گوگل نیوز پر ہمیں فالو کریںکیف: یوکرین کے صدر ولودومیر زیلنسکی نے الزام عائد کیا ہے کہ روس توانائی کا بحران پیدا کرکے دہشت گردی کررہا ہے۔ ملک کے 33 فیصد بجلی گھر ایک ماہ کے دوران تباہ ہو گئے۔
تفصیلات کے مطابق اپنے ایک بیان میں جنگ زدہ یورپی ملک یوکرین کے صدر ولودومیر زیلنسکی نے کہا کہ گزشتہ ماہ روس نے ہمارے ایک تہائی پاور اسٹیشن تباہ کردئیے، یہی وجہ ہے کہ ہمیں عوام سے کم سے کم بجلی استعمال کرنے کی درخواست کرنی پڑی۔
ایرانی بلوچستان میں جھڑپیں، چار پولیس اہلکار ہلاک
بیان میں یوکرینی صدر نے کہا کہ روس نے توانائی کی دہشت گردی کا سہارا لیا جس سے روسی فوجیوں کو میدانِ جنگ میں کچھ فائدہ بھی حاصل ہوتا ہے۔ یوکرین کے توانائی کے نیٹ ورک پر روسی حملوں کے بعد یوکرین کے 45لاکھ لوگ بجلی سے محروم ہو گئے۔
برطانوی میڈیا (بی بی سی) کا کہنا ہے کہ روس نے یوکرین میں بجلی کی تنصیبات پر ڈرونز اور میزائل سے حملے کرکے تباہی پھیلائی جو اس موقعے پر ہوئی جب یوکرین کے جنوبی شہر کھیرسن سے روسی فوجیوں کا انخلاء ہونے کی پیشگوئی کی گئی تھی۔
یوکرینی صدر ولودومیر زیلنسکی کا جمعرات کی شب اپنے خطاب میں کہنا تھا کہ روس نے یوکرین میں توانائی کے بنیادی ڈھانچے کو نشانہ بنایا جو اس کی کمزوری کی علامت ہے جبکہ روسی فوج یوکرین کی زیادہ زمین ہتھیانے میں ناکام رہی۔ روس یوکرین کو میدانِ جنگ میں شکست نہیں دے سکتا، اس لیے عوام کو توڑنا چاہتا ہے۔
