گوگل نیوز پر ہمیں فالو کریںپاکستانی شوبز انڈسٹری سے تعلق رکھنے والے یاسر حسین کسی تعارف کے محتاج نہیں، وہ اپنے تبصروں کی وجہ سے اکثراوقات خبروں کی زینت بنے رہتے ہیں۔
گزشتہ روز بالی ووڈ کی مقبول جوڑی عالیہ بھٹ اور رنبیر کپور کے ہاں بیٹی کی پیدائش ہوئی جس پر معروف اداکارہ اقرا عزیز کے شوہر یاسر حسین نے ایک عجیب و غریب تبصرہ کیا ہے۔
یاسر حسین نے فوٹو اینڈ ویڈیو شیئرنگ ایپ انسٹاگرام پر عالیہ بھٹ کے ماں بننے کی خبر شیئر کرتے ہوئے لکھا کہ تبھی آج کبیر بہت زیادہ خوش ہے، دو ملکوں کی دوستی کیلئے میں تیار ہوں۔
سوشل میڈیا پر یہ پوسٹ بہت زیادہ وائرل ہورہی ہے اور صارفین کی جانب سے اُن کی اس پوسٹ کو مذاق کا نشانہ بھی بنایا جارہا ہے، آیئے سوشل میڈیا صارفین کے تبصروں پر ایک نظر ڈالتے ہیں:
