لیگی رہنما عظمیٰ بخاری نے پاک فوج سے بغض میں تمام حدیں پارکردیں

لاہور: مسلم لیگ ن کی رہنما عظمیٰ بخاری نے پاک فوج سے بغض میں تمام حدوں کو پار کردیا۔ بھارتی فوجیوں کو شہید کا درجہ دے ڈالا۔

ن لیگی رہنما عظمیٰ بخاری نے پلواما واقعے میں ہلاک بھارتی فوجیوں کو شہید کا درجہ دے دیا۔ انہوں نے کہا کہ پلواما واقعے میں 40 بھارتی فوجی شہید ہوئے، ان کا کہنا تھا کہ پلواما واقعے کو ایک وفاقی وزیر نے اپنے حصے میں ڈال دیا۔

معروف تجزیہ کار اعجاز اعوان نے اس پر اپنا موقف دیتے ہوئے کہا کہ یہ لوگ صرف نواز شریف کی بے گناہی ثابت کرنے کے لیے اس طرح کی باتیں کررہے ہیں کل یہ کہہ دیں گے کہ زبان پھسل گئی تھی۔ایسا نہیں ہونا چاہئے۔

https://twitter.com/KarwaLadu/status/1323287823013859330

اعجاز اعوان کا کہنا تھا کہ ان لوگوں کو چاہئے کہ یہ اپنی زبان بند رکھیں تو زیادہ بہتر ہے۔واضح رہے کہ مقبوضہ کشمیر میں بھارتی فوج کے ایک قافلے کو نشانہ بنایا گیا تھا، جس میں 46 فوجی واصل جہنم ہوئے تھے، جس کا الزام بھارت نے پاکستان پر لگا دیا تھا۔

مذکورہ واقعے پر رد عمل دیتے ہوئے قابض بھارتی فوج نے بربریت کا مظاہرہ کرتے ہوئے گیارہ کشمیری نوجوانوں کو شہید کردیا تھا جبکہ مسلمانوں کو املاک کو بھی نذر آتش کیا گیا تھا۔جس کی پاکستان نے شدید مذمت کی تھی۔