کراچی: وفاقی حکومت کی جانب سے یوٹیلیٹی اسٹورز کارپوریشن کوپیکیج دینے کے دعوئوں کے بعدبھی اشیاء کی قیمتوں میں اضافے کاسلسلہ جاری ہے۔
مختلف اشیاء کی قیمتوں میں 2 روپے سے100 روپے تک اضافہ کردیاگیا۔ایک طرف تویوٹیلیٹی اسٹورز کارپوریشن آف پاکستان عوام کو ریلف دینے کے دعوے کررہاہے تودوسری طرف اشیاء کی قیمتوں میں اضافے کا سلسلہ بھی جاری ہے۔
گزشتہ دو ہفتوں میں یوٹیلیٹی اسٹورز پرآٹا،دالیں،چاول،گھی اور کوکنگ آئل کی قیمتوں میں ہوشربا اضافہ ہواہے۔
یوٹیلیٹی اسٹورزکے نوٹی فکیشن کے مطابق درجہ دوم اور درجہ سوئم کے گھی،کوکنگ آئل کی قیمت میں2سے62روپے فی کلو اضافہ کردیا گیا ہے، جبکہ دیسی گھی100روپے فی کلو مہنگا ہوا۔
مزید پڑھیں: اشیائے ضرورت کی قیمتوں میں گزشتہ ایک سال میں ہوشربا اضافہ