گوگل نیوز پر ہمیں فالو کریںڈرامہ سیریل چپکے چپکے اور کالا ڈوریا سے شہرت حاصل کرنے والے معروف اداکار عثمان خالد بٹ شادی کے سوال پر برہم ہوگئے، تاہم اداکار نے مداحوں کو دلچسپ جواب سے نواز دیا ہے۔
حال ہی میں عثمان خالد بٹ نے ایک انٹرویو کے دوران مختلف معاملات پر گفتگو کی۔ میزبان نے شوبز انڈسٹری، ذاتی زندگی اور دیگر اہم سوالات پوچھے جن میں یہ سوال بھی شامل تھا کہ لوگ سوال کرتے ہیں کہ آپ کی شادی کیوں نہیں ہوجاتی؟
اس کا جواب دیتے ہوئے عثمان خالد بٹ نے کہا کہ میں شادی کیلئے کوشش ہی نہیں کرتا، اس لیے میری شادی نہیں ہورہی اور میں اس لیے بھی شادی کرنے کی خواہش نہیں رکھتا کیونکہ معاشرہ مجھ سے شادی کرنے کیلئے سوال کرتا ہے۔
View this post on Instagram
اداکار عثمان خالد بٹ نے کہا کہ میں ایک نان کنفورمسٹ ہوں یعنی روایتی سماجی تقاضوں سے ہٹ کر جیتا ہوں اور صرف معاشرے کو خوش کرنے کیلئے شادی نہیں کروں گا۔ انٹرنیٹ پر ان لوگوں سے تنگ ہوں جو شادی کے منصوبے پوچھتے ہیں۔
عثمان خالد بٹ کا کہنا تھا کہ لوگوں کو میری شادی پر سوالات کرنے کی بجائے اپنی زندگی پر توجہ دینا ہوگی۔ عوام کو میرے گھر کی فکر کیوں پڑ گئی ہے؟یاد رہے کہ عثمان خالد بٹ ڈرامہ سیریل درِ شہوار، گویا اور دیارِ دل میں بھی اداکاری کے جوہر دکھا چکے ہیں۔
