گوگل نیوز پر ہمیں فالو کریںاسلام آباد: وزیرِ اعظم کے معاونِ خصوصی برائے امورِ نوجوانان عثمان ڈار نے کہا ہے کہ کامیاب جوان پروگرام کے تحت 10 ہزار کاروباروں کو 8 ارب روپے سے زائد رقم دی جاچکی ہے۔
سماجی رابطے کی ویب سائٹ ٹوئٹر پر اپنے پیغام میں معاونِ خصوصی عثمان ڈار نے کہا کہ ہماری حکومت وزیرِ اعظم عمران خان کی سرپرستی میں خاص طور پر کمزور طبقے کی خوشحالی کیلئے کام کر رہی ہے۔
پیغام میں معاونِ خصوصی عثمان ڈار نے کہا کہ کامیاب جوان پروگرام قرضہ اسکیم سے اب تک 10 ہزار کاروباروں کو ساڑھے 8 ارب روپے دئیے گئے جن میں 10 لاکھ روپے سے کاروبار شروع کرنے والی خواجہ سراء سونیا ناز بھی شامل ہیں۔
https://twitter.com/UdarOfficial/status/1391246366148530178
یاد رہے کہ اِس سے قبل وفاقی حکومت نے وزیرِ اعظم کے کامیاب جوان پروگرام میں قرض کی حد 50لاکھ سے بڑھا کر ڈھائی کروڑ روپے کردی۔
گزشتہ برس پریس کانفرنس سے خطاب کرتے ہوئے سابق وزیرِ خزانہ حفیظ شیخ نے کہا کہ کامیاب جوان پروگرام میں قرضے دیئے جارہے ہیں۔ حکومت پروگرام کے لئے ہر ممکن فنڈز کی فراہمی کو یقینی بنا رہی ہے۔
مزید پڑھیں: کامیاب جوان پروگرام کے قرض کی حد ڈھائی کروڑ روپے کردی گئی
