گوگل نیوز پر ہمیں فالو کریںواشنگٹن: امریکی محکمہ خارجہ کے ترجمان میتھیو ملر نے کہا ہے کہ امریکا پاکستانی عوام کے پرامن احتجاج کے حق کی حمایت کرتا ہے۔
واشنگٹن میں میڈیا کو بریفنگ دیتے ہوئے میتھیو ملر نے کہا کہ پاکستان اور دنیا بھر میں، ہم آزادی اظہار، پرامن اجتماع اور تنظیم سازی کے حق کی حمایت کرتے ہیں۔
انہوں نے مزید کہا، “ہم مظاہرین سے اپیل کرتے ہیں کہ وہ پرامن رہیں اور تشدد سے گریز کریں اور اسی وقت پاکستانی حکام سے مطالبہ کرتے ہیں کہ وہ انسانی حقوق اور بنیادی آزادیوں کا احترام کریں اور پاکستان کے قوانین اور آئین کی پاسداری کو یقینی بنائیں جبکہ وہ قانون اور نظم و ضبط برقرار رکھنے کے لیے کام کریں۔”
اسلام آباد میں پی ٹی آئی کارکنوں نے گاڑی سے کچل دیا، رینجرز کے 4 جوان شہید
ایک سوال کے جواب میں میتھیو ملر نے کہا کہ ہم پاکستان کے عوام کے پرامن احتجاج کے حق کی حمایت کرتے ہیں اور پاکستانی حکام سے اپیل کرتے ہیں کہ وہ انسانی حقوق اور بنیادی آزادیوں کا احترام کریں۔
