اقوامِ متحدہ کا دنیا بھر میں خواتین کی تعلیم پر کام کیلئے ملالہ یوسف زئی سے اظہارِ تشکر

جنیوا: اقوامِ متحدہ نے دنیا بھر میں خواتین کی تعلیم پر کام کیلئے پاکستانی سماجی رہنما ملالہ یوسف زئی کا شکریہ ادا کیا ہے۔

ملالہ یوسفزئی کی 24ویں سالگرہ گزشتہ روز منائی گئی۔ سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ میں ملالہ یوسف زئی کو سالگرہ پر مبارکباد پیش کرتا ہوں۔

پیغام میں اقوامِ متحدہ کے جنرل سیکریٹری انتونیو گوتریس نے کہا کہ ہم دنیا بھر میں خواتین کی تعلیم کیلئے ملالہ کے جوش و جذبے اور کام پر ان کا شکریہ ادا کرتے ہیں جو امن کی سفارتکاری کے فرائض سرانجام دے رہی ہیں۔

اقوامِ متحدہ کے جنرل سیکریٹری انتونیو گوتریس نے کہا کہ اقوامِ متحدہ کے تحت ملالہ یوسفزئی سب سے کمسن امن کی سفیر ہیں جو عالمی ادارے کیلئے کام کررہی ہیں۔ خواتین کی تعلیم پر کام کیلئے ہم ان کے ممنون ہیں۔ 

I wish @Malala a very happy birthday!

Thank you for your work and commitment to girls' education worldwide, and your ongoing support for the @UN as our youngest Messenger of Peace! pic.twitter.com/JrgOSSkbMO

— António Guterres (@antonioguterres) July 12, 2021

خیال رہے کہ اِس سے قبل پاکستانی اداکارہ ماہرہ خان سمیت دیگر شخصیات نے ملالہ یوسفزئی کی تصویر برطانوی جریدے ووگ کے سرورق پر شائع ہونے پر ملالہ کو خراجِ تحسین پیش کیا۔

گزشتہ ماہ یہ خبر منظرِ عام پر آئی کہ خواتین کی تعلیم کی علمبردار ملالہ یوسفزئی کی تصویر برطانوی جریدے کے جولائی 2021ء کے ایڈیشن کے سرورق پر شائع کی جائے گی جس کی تصدیق ملالہ نے سوشل میڈیا کے ذریعے کی۔

مزید پڑھیں: ملالہ یوسفزئی کی تصویر برطانوی جریدے کے سرورق پر شائع ہوگی