گوگل نیوز پر ہمیں فالو کریںامریکہ نے دوسری جنگِ عظیم کے دوران جاپان کے شہروں ہیروشیما اور ناگاساکی پر ایٹم بم گرائے جس پر انسانیت آج بھی شرمسار ہے جبکہ واقعے کے 76 سال مکمل ہونے پر اقوامِ متحدہ نے تشویش کا اظہار کیا ہے۔
سماجی رابطے کی ویب سائٹ ٹوئٹر پر اپنے پیغام میں اقوامِ متحدہ کے جنرل سیکریٹری انتونیو گوتریس نے کہا کہ ناگاساکی کی تباہی کو 76 سال مکمل ہونے کے بعد بھی دنیا اسی دلدل کی گہرائیوں میں دھنستی چلی جارہی ہے۔
پیغام میں اقوامِ متحدہ کے جنرل سیکریٹری انتونیو گوتریس نے کہا کہ اگر تباہ کن اثرات سے زمین کے باسیوں کو بچانے کی گارنٹی چاہئے تو عالمی برادری کو دنیا بھر کو نیوکلیئر ہتھیاروں سے پاک کرنے کیلئے کام کرنا ہوگا۔
76 years after the destruction of Nagasaki, we continue to dwell in the shadow of the mushroom cloud.
Only the total elimination of nuclear weapons will guarantee the prevention the incalculable suffering they can cause.
— António Guterres (@antonioguterres) August 9, 2021
خیال رہے کہ ہر سال جاپان میں ہیروشیما اور ناگاساکی پر دنیا کے پہلے ایٹم بم حملے سے متاثرہ افراد کی یاد میں جاپان میں تقریبات کا انعقاد کیا جاتا ہے۔
گزشتہ برس بھی ہیروشیما میں ہونے والے مرکزی پروگرام میں حملے میں ہلاک ہونیوالوں کے لواحقین اور غیر ملکی افرادشریک ہوئے۔
تقریب میں بم دھماکے میں ہلاک وزخمی ہونے والوں کے لئے دعا کی گئی ،آن لائن نشر ہونے والی تقریب سے عام لوگوں کو دور رکھا گیا۔
سیاہ لباس میں ملبوس شرکاء نے چہرے پرماسک پہنے ہوئے تھے ، دنیا میں پہلے ایٹم بم حملے میں مرنیوالوں کی یاد میں صبح 8 بج کر 15 منٹ پر خاموش اختیار کی گئی اور دعا کی گئی۔
مزید پڑھیں: ہیروشیما ایٹم بم حملے کی یاد میں جاپان میں تقریبات کا انعقاد
