جھنڈے لگانے پردو سیاسی جماعتوں کے کارکنوں میں تصادم، متعدد افراد زخمی

کراچی: اورنگی ٹاؤن ڈسکو موڑکے قریب دوسیاسی جماعتوں کے کارکنان میں تصادم کے دوران متعدد افراد زخمی ہوگئے۔

ذرائع کے مطابق جھگڑے کے دوران لاٹھی ڈنڈوں کے وارسے زخمی ہونے والے افرادکوقریبی اسپتال منتقل کر دیا گیا ہے، جھگڑا ایم کیو ایم پاکستان کے دفترکے قریب جھنڈے لگانے پرہوا۔

ایم کیو ایم پاکستان کے کارکنان 25 مارچ یوم تاسیس کے سلسلے میں جھنڈے لگانے میں مصروف تھے، اس دوران دو سیاسی جماعتوں کے کارکن ایک دوسرے سے الجھ گئے۔

پولیس اور رینجرزکی نفری طلب کرلی گئی،مشتعل کارکنوں کو پولیس نے منتشر کردیا۔ مذکورہ واقعے کے بعد علاقے میں کشیدگی پھیل گئی ہے، تاہم قانون نافذ کرے والے اداروں نے اپنے گشت میں اضافہ کردیا ہے۔

مزید پڑھیں: کراچی ایئر پورٹ پر لڑکی کو ہراساں کئے جانے کا انکشاف، ایف آئی اے افسر معطل