کراچی،چڑیا گھر میں جانوروں کی ابتر حالت پر ٹویٹر صارفین آگ بگولا

کراچی: چڑیا گھر میں ابتر حالت میں موجود شیر کی ویڈیو سامنے آنے کے بعد ٹوئٹر پر اشتعال اور غم و غصے کو جنم دیا ہے، سوشل میڈیا صارفین نے چڑیا گھر کو ’فوری طور پر‘ بند کرنے کا مطالبہ کیا ہے۔

ایک نجی چینل کے مطابق کراچی چڑیا گھر میں جانوروں کو خوراک فراہم کرنے والے ٹھیکیدار نے کراچی میونسپل کارپوریشن (کے ایم سی) کی جانب سے ادائیگی نہ ہونے پر جانوروں کو کھانے کی فراہمی بند کردی ہے۔

We have no right to zoos if this is how we treat animals….Karachi Zoo fails to pay food suppliers….The animals are already in awful shape.
My heart is breaking. Let’s shut down all zoos @murtazawahab1 pic.twitter.com/lBZNFnDqO5

— Quatrina (@QuatrinaHosain) November 22, 2021

ذرائع نے بتایا کہ چڑیا گھر کے ٹھیکیدار نے میونسپل حکام کی جانب سے ادائیگی نہ ہونے کی وجہ سے چڑیا گھر میں جانوروں کو کھانا فراہم کرنے سے انکار کردیا ہے۔

The Karachi Zoo should immediately shut down
The administration have no shame.
Is this how we treat the caged animals? #KarachiZoo fails to pay food suppliers
My heart is breaking to see this situation,plz raise ur voice @murtazawahab1@MoveTheWorld pic.twitter.com/PPo7SsIWkl

— Irum Azeem Farooque (@Irumf) November 23, 2021

ذرائع نے دعویٰ کیا ہے کہ کے ایم سی کے محکمہ خزانہ نے اس سال فروری سے ٹھیکیدار کے بلوں کی ادائیگی نہیں کی ہے اور ٹھیکیدار نے آج چڑیا گھر میں نوٹس چسپاں کیا ہے کہ وہ جانوروں کو مزید کھانا فراہم نہیں کرے گا۔

لاغر شیر کی ویڈیو وائرل ہونے کے بعد، پاکستانی ٹویٹرصارفین نے متعلقہ حکام سے چڑیا گھر انتظامیہ کے خلاف سخت کارروائی کرنے یا ”کراچی چڑیا گھر کو فوری طور پر بند کرنے” کا مطالبہ کیا ہے۔

ایک صحافی کی جانب سے پوسٹ کی گئی ویڈیو میں ایک شیر کو بری حالت میں دیکھا جا سکتا ہے۔ انہوں نے اپنی پوسٹ میں سٹی ایڈمنسٹریٹر بیرسٹر مرتضیٰ وہاب کو ٹیگ کرتے ہوئے ان سے ذمہ داروں کے خلاف کارروائی کا مطالبہ کیا۔