کراچی: شوبز انڈسٹری کی معروف اداکارہ صبا قمر نے اپنے چاہنے والوں کو ٹوئٹر پر پھیلے جعلی اکاؤنٹ سے خبردار کرتے ہوئے جعلسازوں کو پیغام دیا ہے کہ وہ بچپنا چھوڑ کر اب بڑے ہوجائیں۔
سوشل میڈیا پر موجود ایک جعلساز کی جانب سے معروف اداکارہ صبا قمر کے نام سے منسوب جعلی پروفائل بنائی گئی بلکہ اس پر تصدیق شدہ بلیو ٹک بھی خرید لی۔
انسٹاگرام اسٹوری میں اداکارہ نے اپنے اصل اکاؤنٹ کا اسکرین شاٹ کیا اور وضاحت دی کہ بلیو ٹک کے نشان پر بھروسہ نہ کریں یہ ایک جعلی اکاؤنٹ ہے اور میرا آفیشل ٹوئٹر اکاونٹ یہ ہے۔
صبا قمر نے مزید کہا کہ یہ بچپنا چھوڑیں اور بڑے ہوجائیں کیونکہ توجہ حاصل کرنے کے لیے جعلی اکاؤنٹ بنا کر اس پر پیسہ خرچ کرنا سراسر بچکانہ حرکت ہے۔
مزید پڑھیں:فاطمہ ثنا شیخ خطرناک بیماری میں مبتلا ہوگئیں
صبا قمر کی جانب سے مذکورہ واقعے پر سخت برہمی کا اظہار کیا گیا انہوں نے کہا کہ جعلساز جھوٹی شہرت کی خاطر جعلی معلومات پھیلانا بند کردیں۔