گوگل نیوز پر ہمیں فالو کریںاوٹاوا: کینیڈا کے وزیر اعظم جسٹن ٹروڈو نے میزبان امریکی صدر ڈونلڈ ٹرمپ کی آمادگی کے باوجود جی 7 ممالک کے اجلاس میں روس کی شرکت کو مسترد کردیا ہے۔
جسٹن ٹروڈو کامیڈیا سے بات چیت کرتے ہوئے کہنا تھا کہ روس کو کئی سال قبل کریمیا پر حملہ کرنے کے بعد جی 7 سے خارج کر دیا گیا تھا۔ انہوں نے مزید کہا کہ بین الاقوامی قواعد و ضوابط اور اصولوں کی مسلسل خلاف ورزی کی وجہ سے روس کو جی 7 سے باہر رہنا ہوگا۔
ہفتہ کے روز امریکی صدر ڈونلڈ ٹرمپ نے کہا تھا کہ وہ امریکا ، جرمنی ، برطانیہ ، کینیڈا ، فرانس ، اٹلی اور جاپان کے رہنماؤں کا اجلاس جون کے بعد ملتوی کردیں گے تاہم جرمن چانسلر انجیلامرکل نے کورونا وائرس کی وجہ سے اجلاس میں شرکت سے معذرت کرلی تھی۔
امریکی صدر کا کہنا تھا کہ وہ ستمبر میں جی سیون اجلاس کی دوبارہ کوشش کر سکتے ہیں اور روس سمیت دیگر ممالک کو بھی اجلاس میں شامل ہونے کی دعوت دے سکتے ہیں۔
مزید پڑھیں:وائٹ ہاؤس کے نزدیک مظاہروں میں شدت، ٹرمپ زیر زمین بنکر میں چھپ گئے
