گوگل نیوز پر ہمیں فالو کریںسندھ کے ضلع گھوٹکی میں تیز رفتار گاڑی کے ٹرالر سے خوفناک تصادم کے نتیجے میں دلہن سمیت ایک ہی خاندان کے 8افراد جاں بحق جبکہ 2 زخمی ہوگئے ہیں۔
تفصیلات کے مطابق گھوٹکی میں ٹریفک حادثہ نو بیاہتا دلہن سمیت ایک ہی خاندان کے 8 افراد کی جان لے گیا۔ موٹر وے پولیس کا کہنا ہے کہ یہ افسوسناک حادثہ موٹر وے ایم 5 پر گڈو انٹرچینج کے قریب پیش آیا۔
پشاور، سی ٹی ڈی نے 3 دہشت گرد ہلاک کردئیے
موٹر وے پولیس کے بیان اور ابتدائی تحقیقات کے مطابق یہ حادثہ تیزرفتاری کا نتیجہ ہے۔ پولیس کا کہنا ہے کہ تیز رفتار گاڑی کے ٹرالر سے ٹکرا جانے کے باعث پیش آنے والے حادثے میں خواتین اور بچوں سمیت 8افراد جاں بحق ہوئے۔
حادثے کے نتیجے میں جاں بحق افراد میں 3 خواتین اور 2 بچے بھی شامل ہیں۔ زخمی ہونے والے 2 افراد میں دولہا بھی شامل ہے جس کی 2 روز قبل ہی شادی ہوئی تھی، تاہم حادثے کے باعث ہنستا بستا گھر اجڑ گیا ہے۔
دونوں میاں بیوی رسم کی ادائیگی کیلئے سکھر سے ماہی چوک جارہے تھے جب حادثہ پیش آیا۔ پولیس کا کہنا ہے کہ زخمیوں اور جاں بحق ہونے والے افراد کی میتوں کو شیخ زید ہسپتال رحیم یار خان منتقل کردیا گیا ہے۔
