لوئر دیر میں طوفانی بارش سے کاروباری مراکز ڈوب گئے، جی ٹی روڈ بھی پانی میں بہہ گیا

لوئر دیر: صوبہ خیبر پختون خوا کے صوبہ لوئر دیر میں گزشتہ شب طوفانی بارش سے کاروباری مراکز ڈوب گئے جبکہ جی ٹی روڈ بھی پانی میں بہہ گیا۔

ضلع میں رات بھر تیز ہواؤں کے ساتھ شدید بارش جاری رہی ، جس کی وجہ سے ندی نالوں میں طغیانی آگئی۔تالاش برساتی نالے میں طغیانی کے نتیجے میں جی ٹی روڈ بہہ گیا، جس کی وجہ سے مسافروں نے پوری رات گاڑیوں میں رہ کر گزاری۔

شدید بارش کے باعث ہنگامی صورت حا میں جی ٹی روڈ بند ہو جانے سے ہر قسم کی ٹریفک پھنس گئی اور گاڑیوں کی طویل قطاریں لگ گئیں۔ شدید بارش کے باعث پانی سڑکوں پر کھڑا ہے، جس سے جی ٹی روڈ ملبے سے بھر گیا ہے۔

یہ بھی پڑھیں:

سوات اور گردونواح میں زلزلے کے شدید جھٹکے، شدت 5.4 ریکارڈ

علاوہ ازیں رات بھر ہونے والی بارش کا پانی کاروباری مراکز میں داخل ہوگیا، جس سے تاجروں کا بھاری مالی نقصان ہوا ہے۔