کراچی میں آج اور کل آندھی اور تیز بارش کی پیشگوئی

کراچی: صوبائی دارالحکومت کراچی سمیت سندھ کے دیگر علاقوں تھرپارکر، عمرکوٹ، بدین اور میرپورخاص میں آج اور کل آندھی کے ساتھ بارش کا امکان ہے۔

تفصیلات کے مطابق محکمہ موسمیات کا کہنا ہے کہ ہوا کا شدید کم دباؤ اس وقت مشرقی بھارت پر موجود ہے۔

محکمہ موسمیات کے مطابق آج اسلام آباد، بالائی اور وسطی پنجاب، خیبرپختونخوا، کشمیر اور گلگت بلتستان میں بھی بارش ہوسکتی ہے۔

یہ بھی پڑھیں:

منچھر جھیل میں پانی کی سطح تشویشناک حد تک بڑھ گئی

قبل ازیں محکمہ موسمیات نے پیشگوئی کی تھی کہ کراچی میں 13ستمبر کو شام یا رات میں آندھی اور گرج چمک کے ساتھ بارش ہوسکتی ہے۔

 دوسری جانب کراچی کے علاقے لانڈھی بختاور ولیج کے مقام سے سیوریج کے پانی میں پولیو وائرس کی تصدیق ہوئی، پاکستان میں اس وقت گیارہ مقامات پر سیوریج کے پانی میں پولیو وائرس پایا گیا ہے۔