پنجاب حکومت کو گرانے کی ایک اور سازش ہو رہی ہے،عمران خان

چشتیاں: پاکستان تحریک انصاف کے چیئر مین اور سابق وزیر اعظم عمران خان کا کہنا ہے کہ اب نیا پلان بن رہا ہے، پتا چلا ہے ہماری پنجاب حکومت کو گرانے کی ایک اور سازش رچی جارہی ہے۔

سابق وزیراعظم عمران خان نے چشتیاں میں پاکستان تحریک انصاف کے انتخابی جلسے سے خطاب کرتے ہوئے کہا کہ جب تک ملک میں انصاف قائم نہیں کریں گے خوشحال نہیں ہو سکتے، کفر کا نظام چل سکتا ناانصافی اور ظلم کا نظام کبھی نہیں چل سکتا، یہ وجہ ہے پاکستان اتنے وسائل کے باوجود ملک قرضوں میں ڈوبا ہوا ہے۔

انہوں نے کہا کہ ہمارے ایم پی ایز کو کروڑوں کی آفر اور مسٹر ایکس، مسٹر وائی ساتھ دھمکیاں دے رہے ہیں، پنجاب حکومت گرانے کی سازش کا مطلب لندن کا بھگوڑا واپس آ سکے۔ن لیگ والوں جتنی مرضی کوشش کر لو یہ ملک اور فوج بھی میری ہے۔

خواتین کوسلام پیش کرتا ہوں، مسلم لیگ ن کا گڑھ چشتیاں نہیں لندن ہے، یہ پاکستان سے پیسہ چوری کر کے باہربھیجتے ہیں، ان کا سارا خاندان لندن میں ہے یہ کمائی کرنے پاکستان آتے ہیں۔

عمران خان نے کہا کہ جب اسمبلی گیا تو بڑے، بڑے ڈاکو وہاں بیٹھے تھے، ہمارے نبیﷺ دنیا کے عظیم لیڈرتھے، یہ لوگ 30 سال سے ملک کو لوٹ رہے ہیں۔بڑے، بڑے ڈاکوؤں کو جیلوں میں ڈالنے کے بجائے انہیں وزیر بنا دیا جاتا ہے، پرویز مشرف نے مجھے آزاد عدلیہ کے لیے جیل میں ڈالا، جیل میں کوئی بڑا ڈاکو نظر نہیں آیا، چھوٹے چھوٹے چورتھے۔

انہوں نے کہا کہ شہباز شریف کیس کے چار گواہان کو ہارٹ اٹیک ہوئے، کیس میں اب تک 5 لوگ مرچکے ہیں، ایسے شخص کو ملک کا وزیراعظم بنایا گیا، اس کا بڑا بھائی بھگوڑا لندن میں بیٹھ کر لوگوں کو جیلوں میں ڈالنے کے احکامات دے رہا ہے، نوازشریف لندن میں بیٹھ کر فیصلہ کررہا ہے کونسا اگلا آرمی چیف ہوگا۔ شہباز شریف کو امپورٹ کرکے مسلط کیا گیا۔

عمران خان نے کہا کہ شہبازشریف اور حمزہ شہبازنے عدالت میں کہا وفاقی تحقیقاتی ادارے (ایف آئی اے) کا کیس ختم کیا جائے، شہباز شریف، حمزہ شہباز نے 16 ارب اپنے نوکروں کے نام پر منگوائے، دونوں باپ بیٹے کو اس کیس میں سزا ہونے والی تھی، چیری بلاسم کو بیرونی سازش کے تحت ہمارے اوپر مسلط کر دیا گیا۔

سابق وزیر اعظم نے کہا کہ نعرے مدینہ منورہ میں اورتوہین مذہب کا مقدمہ میرے خلاف درج کر لیا گیا، الیکشن کمشنر ان کا پالتو ان کے ساتھ ہے، پاکستان کی ساری باشعورعوام ان چوروں کے خلاف آج میرے ساتھ کھڑی ہے، بہاولپورمیں بہت بڑا مونچھوں والا لوٹا ہے، بڑے مونچھوں والے لوٹے کوخود کمپین کرکے ہراؤں گا۔

مزید پڑھیں:توشہ خانہ ریفرنس،عمران خان نے جواب جمع کرادیا، کیس جھوٹا، بے بنیاد قرار دے دیا

عمران خان نے کہا کہ آپ نے الیکشن میں اچھائی کا ساتھ دینا ہے برائی کا نہیں۔ یہ سب تحریک انصاف کی مقبولیت سے ڈرے ہوئے ہیں، انہوں نے میرے خلاف توہین مذہب کا مقدمہ درج کیا،جس ملک میں طاقتور کو نا پکڑا جائے وہ قومیں تباہ ہو جاتی ہیں، قرآن میں اللہ کا حکم ہے اچھائی کا ساتھ اور برائی کے خلاف کھڑے ہونا ہے، نوجوانوں کو کہتا ہوں تحریک انصاف کے امیدوار کو جتوانا ہے۔