ٹول ٹیکس مانگنے پر نوجوان نے خاتون کو تھپڑ ماردیا، ویڈیو سوشل میڈیا پر وائرل

بھارت میں ٹول ٹیکس کا تقاضہ کرنے پر ایک نوجوان نے خاتون کو تھپڑ ماردیا، جس کی ویڈیو سوشل میڈیا پر وائرل ہوگئی۔

تفصیلات کے مطابق بھارتی میڈیا کی رپورٹس میں بتایا گیا ہے کہ یہ واقعہ ریاست مدھیہ پردیش میں راج گڑھ بھوپال روڈ پر کچنریا ٹول پلازہ پر پیش آیا جس کی ویڈیو سی سی ٹی وی کیمرے میں محفوظ ہوگئی۔

سوشل میڈیا پر وائرل ہوتی ویڈیو میں دیکھا جاسکتا ہے کہ ایک شخص نے خاتون ملازم کو اس وقت تھپڑ مارا جب اس نے ٹیکس ادا کیے بغیر جانے دینے سے انکار کر دیا۔

مذکورہ شخص کو ویڈیو میں ٹول بوتھ کاؤنٹر کی طرف جاتے ہوئے دیکھا جاسکتا ہے پھر وہ خاتون سے جھگڑنے لگتا ہے اور اس کے منہ پر تھپڑ مارتا ہے لیکن وہ بھی تھپڑ کا جواب دیتے ہوئے اپنی چپل اٹھاتی ہے اور اس آدمی کو مارتی ہے۔

یہ بھی پڑھیں:

انٹرویو کے دوران خاتون کی عمر پوچھنا انتظامیہ کو مہنگا پڑ گیا

ویڈیو میں قریب کھڑے لوگوں کو جھگڑے کو روکنے کی کوشش کرتے بھی دیکھا جاسکتا ہے۔

A man slapped a woman employee of a toll both in Rajgarh after she refused to let him go without paying the tax. The man is seen angrily walking towards the employee and then slapping her across the face, The woman hits him back with her footwear @ndtv @ndtvindia pic.twitter.com/hmK0ghdImX

— Anurag Dwary (@Anurag_Dwary) August 21, 2022

بھارتی میڈیا کی رپورٹ کے مطابق راجکمار گرجر نامی یہ شخص بغیر فاسٹ ٹیگ کے اپنی گاڑی چلا رہا تھا جس سے ٹول ٹیکس خود بخود ہی کٹ جاتا ہے۔

اس شخص نے دعویٰ کیا کہ وہ مقامی ہے اس لیے اسے ٹول چارجز کی ادائیگی سے مستثنیٰ ہونا چاہیے لیکن اس کے پاس یہ ثابت کرنے کے لیے کوئی دستاویز نہیں تھی۔

خاتون ملازم انورندا ڈانگی نے بتایا کہ اس شخص نے کہا کہ وہ مقامی ہے لیکن جب سپروائزر کو اطلاع دی گئی تو وہ کوئی دستاویز نہیں دکھا سکا۔

خاتون نے یہ بھی بتایا کہ کس طرح ٹول بوتھ پر سات خواتین ملازمین ہیں لیکن ان کی حفاظت کے لیے کوئی گارڈ نہیں ہے۔