کراچی، نوجوان نے ڈاکوؤں سے بچنے کیلئے پل سے چھلانگ لگادی

کراچی: شہر قائد میں ڈاکو بے لگام ہوگئے، وارداتوں میں کمی کا کوئی امکان نظر نہیں آرہا، لیاقت آباد میں ایک نوجوان نے ڈاکوؤں سے بچنے کیلئے پل سے چھلانگ لگادی۔

کراچی کے علاقے لیاقت آباد پل پر مسلح ڈاکوؤں نے موٹرسائیکل سوار شہری کو لوٹنے کی کوشش کی، شہری نے مزاحمت کے بجائے اپنی موٹرسائیکل چھوڑ کر پل پر چڑھنے والے راستے سے چھلانگ لگادی۔

یہ بھی پڑھیں:

کراچی، قرآن پاک کی بے حرمتی پر مبنی ویب سائٹس چلانے والے 4 ملزمان گرفتار

اس حوالے سے پولیس کا کہنا ہے کہ زخمی شہری کو اس کے دوستوں نے اسپتال منتقل کردیا، شہری جہاں سے پل شروع ہوتا ہے وہاں سے دوسری طرف کود گیا تھا۔

پولیس کے مطابق اونچائی زیادہ نہ ہونے کی وجہ سے شہری بڑے حادثے سے محفوظ رہا تاہم اسے معمولی چوٹیں آئیں جسے ابتدائی طبی امداد کے بعد اسپتال سے گھر روانہ کردیا گیا۔