گوگل نیوز پر ہمیں فالو کریںکراچی: شہر قائد میں ایک اور نوجوان بیروزگاری کی بھینٹ چڑھ گیا، افسوس ناک واقعہ اُس وقت پیش آیا جب بے روزگاری سے تنگ ایک شہری نے معروف شاپنگ مال کی تیسری منزل سے چھلانگ لگاکر خود کشی کرلی۔
ذرائع کے مطابق یو بی ایل اسپورٹس کمپلیکس کے قریب واقع معروف شاپنگ مال کی تیسری منزل پر موجود فوڈ کورٹ ایریا سے 40 سالہ ذوہیر نے چھلانگ لگادی اور جاں بحق ہوگیا۔
40 سالہ ذوہیر 6 بچوں کے باپ تھا اور بیروزگار ہونے کے باعث ڈپریشن کا شکار تھا، جس کے باعث وہ انتہائی قدم اُٹھانے پر مجبور ہوا۔
پولیس ذرائع کا اس حوالے سے کہنا ہے کہ مقتول کی لاش کو جناح اسپتال کردیا گیا ہے، جبکہ زوہیر انچولی بلاک 20 کا رہائشی تھا، اور چار بہن بھائیوں میں سب سے بڑا تھا۔ متوفی اور اس کا ایک بھائی بے روزگار تھے، متوفی کی والدہ اسکول میں ٹیچنگ کے فرائض انجام دیتی ہیں۔
مزید پڑھیں: شوہر بیرون ملک چلا گیا، بیوی نے سسرالیوں کے نارواسلوک سے تنگ آکر خودکشی کرلی
