نوجوان اسسٹنٹ ڈائریکٹر صحت یاب، بلڈنگ کنٹرول اتھارٹی سے کورونا کا خوف ختم

کراچی : ایس بی سی اے کے نوجوان اسسٹنٹ ڈائریکٹر ریاض حسین کے 14 روز قرنطینہ میں رہنے کے بعد صحت یاب ہونے کی وجہ سے سندھ بلڈنگ کنٹرول اتھارٹی میں چھائے کورونا وائرس کے خوف کے سائے چھٹ گئے۔

گزشتہ دنوں ریاض حسین اپنے والد کی وفات پر شدید پریشان ہو گئے تھےکیوں کہ ان میں کورونا وائرس کی تصدیق ہوئی تھی جس کے بعد ایس بی سی اے کے دفاتر میں خوف کے بادل چھائے ہوئے تھے تاہم اب جبکہ ریاض حسین کے گزشتہ روز ہونے والے ٹیسٹ میں ان میں کورونا وائرس منفی آگیا۔

مزید پڑھیں: بلڈنگ کنٹرول کا نظام بلڈر مافیا نے سنبھال لیا، غیر قانونی تعمیرات کی بھرمار

ڈاکٹرز نے انہیں احتیاطی تدابیر کا سلسلہ جاری رکھنے اور مزید ایک ہفتہ قرنطینہ میں رہنے کی ہدایت کی ہے۔

ریاض حسین کی صحت یابی کی خبر پر سندھ بلڈنگ کنٹرول اتھارٹی کے افسران و ملازمین نے اطمینان کا اظہار کیا دوسری جانب ریاض حسین نے بھی قرنطینہ میں رہنے کے دوران دعاؤں اور نیک خواہشات کرنے والے تمام احباب کا شکریہ ادا کیا ہے۔