گوگل نیوز پر ہمیں فالو کریںمحکمہ موسمیات کے مطابق کراچی شدید گرمی کی لپیٹ میں رہے گا، جبکہ درجہ حرارت میں مزید اضافے کا امکان ظاہر کیا گیا ہے۔ محکمہ موسمیات نے کراچی میں ہیٹ ویو کا خدشہ ظاہر کردیا ہے، جو 13 سے 18 اپریل تک جاری رہے گی۔
محکمہ موسمیات کا کہنا ہے کہ دن کے اوقات میں درجہ حرارت میں ایک سے دو ڈگری سینٹی گریڈ تک اضافہ متوقع ہے۔ ہفتے کے دن شہر کا زیادہ سے زیادہ درجہ حرارت 38 ڈگری سینٹی گریڈ تک رہا، جبکہ گرمی کی شدت 41 ڈگری سینٹی گریڈ تک محسوس کی گئی۔
ادارے کے مطابق آئندہ 24 گھنٹوں کے دوران موسم شدید گرم اور مرطوب رہنے کا امکان ہے۔ اس وقت شہر کا مطلع صاف اور موسم گرم ہے۔ موجودہ درجہ حرارت 29 ڈگری سینٹی گریڈ ریکارڈ کیا گیا ہے، جبکہ مغربی سمت سے 11 کلومیٹر فی گھنٹہ کی رفتار سے ہوائیں چل رہی ہیں۔
شہر میں ہوا میں نمی کا تناسب 78 فیصد ہے، جو گرمی کی شدت میں اضافے کا باعث بن رہا ہے۔ محکمہ موسمیات نے شہریوں کو ہدایت کی ہے کہ دھوپ میں غیر ضروری طور پر باہر نکلنے سے گریز کریں اور پانی کا استعمال بڑھا دیں تاکہ ہیٹ اسٹروک سے بچا جا سکے۔
