وزیراعظم کی اسمارٹ لاک ڈاؤن کی پالیسی کودنیا بھر نے سراہا ہے،شبلی فراز

اسلام آباد:وفاقی وزیر اطلاعات و نشریات کے وزیر شبلی فراز نے کہا ہے کہ وزیراعظم عمران خان کورونا وائرس کی وبا کی روک تھام سمیت قومی معیشت کی ترقی کے لیے ایک مربوط پالیسی پر عمل پیرا ہیں۔

وفاقی وزیر اطلاعات و نشریات کے وزیر شبلی فراز نے کہا کہ پاکستان ایک غریب ملک ہے اور ملکی معیشت پر لاک ڈاؤن کے سنگین منفی اثرات کے باعث مکمل لاک ڈاؤن کا متحمل نہیں ہو سکتا۔

شبلی فراز کا کہنا تھا کہ کووڈ 19 ایک عالمی مسئلہ ہے اور وزیراعظم عمران خان کی اسمارٹ لاک ڈاؤن کی پالیسی کودنیا بھر نے سراہا ہے، شبلی فراز نے کہا کہ حکومت مکمل لاک ڈاؤن کا نفاذ نہیں کرے گی کیونکہ یہ مہلک وائرس کا حل نہیں ہے۔

وفاقی وزیر اطلاعات و نشریات نے کہا کہ کورونا وائرس کی وبا کی روک تھام کے لیے نیشنل کمانڈ آپریشن سینٹر کے اجلاسوں کے دوران تمام فیصلے فریقین کے اتفاق رائے سے کیے گئے ہیں۔