راولپنڈی رنگ روڈ، وزیراعظم آج سنگ بنیاد رکھیں گے

اسلام آباد: وزیراعظم عمران خان آج رنگ روڈ منصوبے کا سنگ بنیاد رکھیں گے۔

تفصیلات کے مطابق راولپنڈی رنگ روڈ منصوبے کا سنگ بنیاد رکھنے کی افتتاحی تقریب آج مجوزہ ٹھلیاں انٹرچینج کے مقام پر ہوگی، جس میں وزیراعظم شریک ہوں گے جبکہ وزیراعلیٰ پنجاب اوروفاقی وزرا بھی شرکت کریں گے۔

راولپنڈی کی ضلعی انتظامیہ کی جانب سے سنگ بنیاد رکھے جانے کی تقریب کے انتظامات کو حتمی شکل دے دی گئی ہے۔

کل لمبائی 38.3 کلومیٹر ہوگی، منصوبہ بانٹھ موڑ سے ٹھلیاں تک بنایاجائے گا جس کے تحت 8 ہزار 992 کنال زمین خریدی جارہی ہے۔

یہ بھی پڑھیں:کراچی کا موسم کب تک گرم رہے گا؟

خیال رہے کہ راولپنڈی رنگ روڈ جڑواں شہروں اسلام آباد اور راولپنڈی کے ٹریفک کے دباؤ کو کم کرنے میں مدد گار ثابت ہوگی۔ متبادل سڑک کے طور پر رنگ روڈ کی وجہ سے مسافروں کو وقت اور خرچے کی بچت ہوگی۔ منصوبے کی بدولت روزگار کے مواقع فراہم ہوں گے اور معاشی سرگرمیوں کو فروغ حاصل ہوگا۔

مزید برآں وزیر اعظم اس موقع پرقوم سے خطاب بھی کریں گے۔