گوگل نیوز پر ہمیں فالو کریںبلال لاشاری کی ہدایت کاری میں بننے والی فلم ’دی لیجنڈ آف مولا جٹ‘ نے ریلیز کے پہلے ہی ہفتے 80 کروڑ روپے کما کر پاکستانی سینما میں نئی تاریخ رقم کردی، وہ ایک ہفتے میں ریکارڈ کمائی کرنے والی پہلی فلم بن گئی۔
فلم کو گزشتہ ہفتے 13 اکتوبر کو پاکستان سمیت دنیا بھر میں ریلیز کیا گیا تھا، فلم نے ریلیز کے پہلے ہی دن 10 کروڑ روپے کما کر نیا ریکارڈ اپنے نام کیا تھا جبکہ فلم نے محض 5 دن میں 50 کروڑ روپے کماکر نئی تاریخ رقم کی تھی۔
واضح رہے کہ پاکستانی سینما کی تاریخ میں آج تک کسی فلم نے پانچ دن میں 50 کروڑ روپے نہیں کمائے جبکہ اب اس فلم نے ایک اور ریکارڈ اپنے نام کرتے ہوئے ایک ہی ہفتے میں 80 کروڑ روپے کماکر نیا اعزاز حاصل کرلیا۔
’دی لیجنڈ آف مولا جٹ‘ نے آفیشل انسٹاگرام اکاؤنٹ پر فلم کی ایک ہفتے کی کمائی سے متعلق پوسٹ کی جس میں بتایاگیا کہ فلم نے دنیا بھر سے 36 کروڑ امریکی ڈالر یعنی پاکستانی 80 کروڑ روپے سے زائد کی کمائی کی۔
View this post on Instagram
فلم نے سب سے زیادہ کمائی مقامی باکس آفس یعنی پاکستان سے ہی کی، فلم نے ملک سے ایک ہی ہفتے میں 10 لاکھ امریکی ڈالرز کے قریب کمائی کی، دوسرے نمبر فلم نے خلیجی ممالک سے پیسے بٹورے۔
ماہرہ خان توجہ حاصل کرنے کیلئے ماڈرن بننے کا ڈرامہ کرتی ہیں، سوشل میڈیا صارفین کی تنقید
ایک ہی ہفتے میں 80 کروڑ روپے کمانے کے بعد فلم نے اپنے بجٹ سے زیادہ پیس بٹور لیے، رپورٹس کے مطابق فلم کو 50 سے 60 کروڑ روپے میں بنایا گیا تھا۔
معلوم رہے کہ فلم دی لیجنڈ آف مولاجٹ ، پاکستان کی مہنگی ترین فلم ہے کیونکہ آج تک کسی فلم کو بنانے میں اتنی رقم نہیں لگی۔
فلم کی ریکارڈ کمائی کے بعد ٹیم نے اعلان کیا کہ اب دنیا بھر میں اسے مزید 100 اسکرینز پر بھی دکھایا جائے گا، جس کے بعد فلم مجموعی طور پر ایک ہزار اسکرینز تک دکھائی جانے والی پہلی فلم بھی بن جائے گی۔
