گوگل نیوز پر ہمیں فالو کریںمحکمہ صحت سندھ نے کراچی میں ایکس ڈی آر ٹائیفائیڈ کے بڑھتے ہوئے کیسز کے پیش نظر ایڈوائزری جاری کردی ہے۔
محکمہ سندھ کی جانب سے جاری ایڈوائزری میں سفارش کی گئی کہ کسی بھی بخار کے علاج کے لیے غیرضروری طور پر اینٹی بائیوٹک ادویات نہ دی جائیں اور Azithromycin نامی دوا کو بھی غیر ضروری طور پر تجویز نہ کیا جائے۔
ماہرین صحت نے ویکسی نیشن سے محروم بچوں کو فوری ویکسین لگوانے کی بھی سفارش کی ہے۔
محکمہ سندھ کی جانب سے جاری ایڈوائزری میں مزید کہا گیا ہے کہ ایکس ڈی آر ٹائیفائیڈ کے علاج کی مخصوص اینٹی بائیوٹک ادویات صرف بلڈ کلچر ٹیسٹ کے بعد دی جائیں۔
