گوگل نیوز پر ہمیں فالو کریںوزیراعظم پاکستان میاں شہباز شریف نے پٹرولیم مصنوعات کی قیمتوں میں کمی کی منظوری دے دی، جس کے بعد وزارت خزانہ نے نئی قیمتوں کا حکم نامہ جاری کر دیا ہے۔
حکومت نے ڈیزل کی فی لیٹر قیمت میں 10 روپے 86 پیسے جبکہ پیٹرول کی فی لیٹر قیمت میں 6 روپے 17 پیسے کمی کردی ہے۔
مٹی کے تیل کی قیمت میں 6 روپے 32 پیسے کی کمی جبکہ لائٹ اسپیڈ ڈیزل کی قیمت میں بھی 5 روپے 72 پیسے فی لیٹر کی کمی کی گئی ہے۔
قیمتوں میں کمی کے بعد پٹرول کی فی لیٹر نئی قیمت 269 روپے 43 پیسے جبکہ ہائی اسپیڈ ڈیزل کی فی لیٹر قیمت 272 روپے 77 پیسے مقرر کی گئی ہے۔
لائٹ ڈیزل کی فی لیٹر قیمت 160 روپے 53 پیسے جبکہ مٹی کے تیل کی فی لیٹر قیمت 177 روپے 39 پیسے مقرر کی گئی ہے۔
وزیراعظم کی منظوری کے بعد وزارت خزانہ نے نئی قیمتوں کا باضابطہ نوٹیفکیشن جاری کر دیا ہے۔
دوسری طرف جماعت اسلامی کے تحت پٹرول کی قیمتوں سے ٹیکسوں کا خاتمہ اور بجلی بلوں سے کیپیسیٹی چارجز ختم کرنے کے مطالبے پر اسلام آباد میں دھرنا جاری ہے۔
