کراچی: آرٹس کونسل کی طرح کراچی بار اور کراچی پریس کلب کو بھی امیج ریسٹوریشن کے لئے اپنی خدمات اور انکا تعاون پیش کریں گے۔
جاوید رحیم، محمد شاہد، کے آئی آر سی ایڈوائزری کونسل و اراکین کی جانب سے احمد شاہ اور انکے پینل کو شاندار کامیابی پر مبارکبادپیش کی گئی، اس موقع پر بات کرتے ہوئے جاوید رحیم نے کہا کہ کے ایم سی امیج ریسٹوریشن کمیٹی احمد شاہ کی مدد سے کے ایم سی کے مقام کو مزیدبلند کریں گے۔
اس موقع پر کے ایم سی امیج ریسٹوریشن کمیٹی کی ایڈوائزری کونسل کے انچارج جاوید رحیم نائب انچارج محمد شاہد کا کہنا تھا کہ اس سے آرٹس کونسل کی ترقی و اپ گریڈیشن کا سفر مزید تیز ہوگا۔
انہوں نے کہا کہ آرٹس کونسل میں احمد شاہ اور انکے پینل کی شاندار کامیابی اور ترقی کے سفر کا آغاز ہے، جسکے ثمرات کے ایم سی پر بھی مثبت پڑیں گے۔ ہم تمام اراکین دل کی گہرائیوں سے ان کی ٹیم،پینل، بشیر سدوزئی و دیگر کو مبارکباد پیش کرتے ہیں۔
کے آئی آر سی کے ڈاکٹر محمد فاروق، واثق فریدی، روشن الطاف، محمد رضوان خان، جاوید ارشاد۔ فخر شبیر، محمود چوہدری، ممتاز، عبدالعزیزو دیگر نے مشترکہ اظہار خیال کرتے ہوئے کہا کہ آرٹس کونسل میں روشنی کا سفر کے ایم سی کو بھی منور کریگا۔
کے ایم سی کا چہرہ کراچی، کراچی کا چہرہ آرٹس کونسل ہے۔ کراچی بار اور کراچی پریس کلب کو بھی امیج ریسٹوریشن کے لئے اپنی خدمات اور انکا تعاون پیش کریں گے۔
ایڈمنسٹریٹر کراچی لئیق احمد کی ٹیم ہیں انکے ہاتھ مضبوط کرنے اور کے ایم سی کو پاؤں پر کھڑا کرنے کے لئے بہترین صلاحیتوں والے افسران کو قابلیت کے مطابق تعینات کرنے کا عزم دہراتے ہیں۔
انہوں نے کہا کہ ہم آرٹس کونسل کی منتخب قیادت کے ساتھ بھی آئیڈیاز شیئر کریں گے۔ شہر کی ترقی اور کے ایم سی کی بہترین پرفارمنس عزم ہے اور اس سے پیچھے نہیں ہٹیں گے۔
گوگل نیوز پر ہمیں فالو کریں
