گوگل نیوز پر ہمیں فالو کریںاسلام آباد: چیئرپرسن چائلڈ پروٹیکشن بیورو سارہ احمد کی ہدایت پر چائلڈ پروٹیکشن بیورو نے اسلام آباد میں تشدد کا شکار کمسن گھریلو ملازمہ رضوانہ کی قانونی تحویل حاصل کرلی۔
چیئرپرسن سارہ احمد نے بتایا کہ رضوانہ کو چائلڈ پروٹیکشن بیورو کی قانونی تحویل میں لے لیا ہے، اس کا علاج معالجہ جنرل ہسپتال میں جاری ہے، اسے چائلڈ پروٹیکشن بیورو کی جانب سے مکمل تحفظ فراہم کیا جائے گا۔
مری ایکسپریس وے پر خوفناک ٹریفک حادثہ، 28 افراد زخمی
انہوں نے کہا کہ صحتیابی کے بعد رضوانہ کی تعلیم اور بہتر نشوونما کے حوالے سے اقدامات کئے جائیں گے، چائلڈ پروٹیکشن بیورو تشدد کا شکار بچوں کو تعلیم، علاج، رہائش سمیت تمام بنیادی سہولیات فراہم کر رہا ہے۔
اس سے قبل مریم نواز آج رضوانہ کی عیادت کیلئے جنرل ہسپتال لاہور پہنچیں اور متاثرہ بچی سے بات چیت کی۔ کمسن ملازمہ نے کہا کہ مالکن مجھے ڈنڈوں سے مارتی اور بہت تشدد کرتی تھی۔ تیزاب بھی پھینکتی تھی۔
کمسن بچی رضوانہ نے کہا کہ میرے ساتھ مالکن نے جس طرح کا تشدد کیا، اس کے ساتھ بھی ویسا ہی سلوک کیا جانا چاہئے۔ مریم نواز نے رضوانہ کی خیریت دریافت کی اور ڈاکٹرز سے گفتگو کے دوران اس کے علاج کی پیشرت بھی معلوم کی۔
