گوگل نیوز پر ہمیں فالو کریںکراچی:شہر قائداور گرد و نواح میں ایک ہفتے قبل تک جاری رہنے والی شدید بارشوں کے دوران ملیر لنک روڈ پر برساتی ریلے میں بہہ جانے والی کار کے ڈرائیور کی لاش 12 روز بعد پیرکی صبح مل گئی ہے۔
ذرائع کے مطابق اس افسوس ناک واقعے میں میاں بیوی اور 4 بچوں سمیت مزید 6 افراد جاں بحق ہوئے تھے۔
سینئر سپرنٹنڈنٹ پولیس ملیر عرفان علی بہادر کے مطابق حیدر آباد کا رہنے والا ڈرائیور کراچی کی 1 فیملی کے 6 ارکان کو حیدر آباد لے کر جا رہا تھا کہ موٹر وے ایم نائن کے لیے جاتے ہوئے برساتی ریلہ ندی کے پل اور مرکزی شاہراہ سے اوور فلو ہو کر گزر رہا تھا۔
انہوں نے بتایا کہ اس دوران کار ڈرائیور کو علاقہ مکینوں نے آگے جانے سے روکا مگر وہ نہیں رکا اور جونہی کار ریلے میں گئی تو پانی کا تیز بہاؤ کار سمیت تمام سوار 7 افراد کو بہا کر لے گیا۔
عرفان علی بہادر نے بتایاکہ لاش کو برآمد کرنے کے بعد اسپتال منتقل کیا گیا ہے جبکہ ڈرائیور کے اہلِ خانہ کو حیدر آباد میں اطلاع دے دی گئی ہے۔
مزید پڑھیں:سیلاب کی تباہ کاریاں، کپاس کے نرخ ملکی تاریخ کی بلند ترین سطح پر پہنچ گئے
