بھارتی میڈیا کی بوکھلاہٹ اور نالائقی، ساری دنیا حیران

ممنئی: بھارتی میڈیا نے اپنی نالائقی اور بوکھلاہٹ سے ساری دنیا کو حیران کردیا۔

بھارتی نیوز اینکرز کے پہلے بھی کئی ایسے پروگرامز وائرل ہوچکے ہیں جن میں وہ اپنے پروگرام کے موضوع کی لاعلمی اور پروگرام کے دوران بدتمیزی کی وجہ سے مشہور ہوگئے۔

ماضی میں ایسے کئی اینکرز کی ویڈیوز وائرل ہوئیں جنہوں نے پروگرام میں آکر صرف اسکرپٹ پڑھا چاہے وہ جھوٹا ہو یا سچا۔

اس بار بھی یہپی ہوا، انڈین چینلز کے ٹائمز ناؤ کے ایڈیٹر انچیف راہول شیوشنکر، یوکرین کے صحافی کو امریکی سمجھ کر چیختے چلاتے رہے، آخر تنگ آ کر امریکی مہمان نے نشاندہی کی تو اینکر بولے، میں آپ سے نہیں میک ایڈمز سے مخاطب ہوں، جس پر امریکی مہمان نے بتایا وہی میک ایڈمز ہیں۔

This is magnificent. It makes no sense until it makes perfect sense. Nobody outside Indian TV can produce this level of chaos. https://t.co/0HJtafL2CX

— Stanley Pignal (@spignal) March 3, 2022

خیال رہے کہ پروگرام میں روس اور یوکرین کی جنگ کے معاملے پر گفتگو کے دوران راہول شیوشنکر نے یوکرینی اخبار کیف پوسٹ کے صحافی بوہدان ناہیل سے مخاطب ہو کر سارا تنقیدی استرپٹ پڑھ ڈالا، لیکن ان کی ٹیم نے چونکہ یوکرینی صحافی کی جگہ دوسرے مہمان کا نام لکھا ہوا تھا اس لیے وہ اپنا سارا غصہ غلط مہمان پر اتارتے رہے۔

جس کے بعد میک ایڈیمز یعنی امریکی صحافی نے میزبان کو کہا کہ میں نے ابھی تک ایک لفظ نہیں کہا، مجھے نہیں علم کہ آپ میرے اوپر کیوں چلا رہے ہیں۔ جس پر ہوسٹ نے کہا کہ وہ ان پر نہیں چیخ رہے بلکہ مسٹر میک ایڈمز سے مخاطب ہیں۔

یہ بھی پڑھیں:روس یوکرین تنازع، سعودی ولی عہد کا روسی اور یوکرینی صدر سے ٹیلیفونک رابطہ

جس کے بعد غصے میں مہمان نے جواب دیا کہ ’میں ہی میک ایڈیمز ہوں، میرے اوپر چیخنا بند کریں۔

مزید برآں معاملے پر اینکر نے غلطی کے احساس پر شرمندہ ہو کر معذرت کرلی، لیکن کلپ سوشل میڈیا پر اتنا وائرل ہوا کہ چند گھنٹوں میں 14 لاکھ سے زائد افراد نے اسے دیکھ لیا۔