ٹینس اسٹار ثانیہ مرزا بیٹے کی تیسری سالگرہ پر جذباتی ہوگئیں

دبئی:پاکستان کرکٹ ٹیم کے آل راؤنڈر شعیب ملک کی اہلیہ و بھارتی ٹینس اسٹار ثانیہ مرزا نے بیٹے کی پیدائش کے بعد کے وقت کو خاص قرار دے دیا۔

شعیب اختر اور ثانیہ مرزا نے گزشتہ روز دبئی میں دیگر قومی کرکٹرز کی فیمیلز کے ہمراہ اپنے بیٹے اذہان مرزا ملک کی تیسری سالگرہ منائی۔

اذہان کی سالگرہ کی تقریب کی تصاویر ثانیہ مرزا نے اپنے تصدیق شدہ انسٹاگرام اکاؤنٹ پر شیئر کیں،جن میں اْنہیں کیک کاٹتے ہوئے دیکھا جاسکتا ہے۔

 

View this post on Instagram

 

A post shared by Sania Mirza (@mirzasaniar)

اس موقع پر ثانیہ مرزا جذباتی ہوگئیں انہوں نے لکھا کہ میری کْل کائنات کو سالگرہ مبارک ہو۔ثانیہ مرزا نے لکھا کہ آج سے 3 سال قبل، میں آپ کی ماں کے طور پر دوبارہ پیدا ہوئی اور یہ تین سال میری زندگی کے سب سے خوبصورت رہے ہیں۔

مزید پڑھیں: ثانیہ مرزا کا پاک بھارت میچ کے دن ’غائب‘ ہونے کا فیصلہ

ثانیہ مرزا نے بیٹے سے اپنی محبت کا اظہار کرتے ہوئے لکھا کہ ہمیں اپنے والدین کے طور پر منتخب کرنے کے لیے آپ کا شکریہ۔یاد رہے کہ شعیب ملک اور ثانیہ مرزا 12 اپریل 2010 میں شادی کے بندھن میں بندھے تھے۔ دونوں سپر اسٹار اس وقت دبئی میں موجود ہیں۔