گوگل نیوز پر ہمیں فالو کریںغزہ میں 7 اکتوبر سے جاری اسرائیلی بمباری کے بعد عارضی جنگ بندی شروع ہوتے ہی فلسطینی خاندانوں کی اپنے کھنڈر بنے گھروں کی طرف واپسی کا سلسلہ جاری ہے۔
غزہ میں اسرائیل اور حماس کے درمیان 4 روزہ عارضی جنگ بندی کے آغاز کے بعد مصر سے براستہ رفح کراسنگ 8 ٹینکر جنوبی غزہ میں داخل ہو گئے۔
اسرائیلی فوج کے مطابق 4 ٹینکر ایندھن اور 4 ٹینکر کوکنگ گیس کے داخل ہوئے، ٹینکرز اقوامِ متحدہ کی امدادی تنظیموں کو منتقل کر دیے گئے ہیں۔
فلسطین کی حمایت کی پاداش میں ساتھی اداکارہ کی برطرفی پر معروف امریکی ایکٹریس نے بھی فلم چھوڑ دی
عرب میڈیا کے مطابق آج 200 امدادی ٹرک غزہ میں داخل ہونے کی توقع ہے۔ دوسری جانب فلسطینی اہلکار کا کہنا ہے کہ معاہدے کے تحت اسرائیل آج مغربی کنارے میں 39 فلسطینی قیدیوں کو رہا کرے گا۔
فلسطینی اہلکار کے مطابق فلسطینی قیدیوں میں 24 خواتین اور 15 نوجوان شامل ہیں۔ غیر ملکی میڈیا کے مطابق حماس کی جانب سے 13 اسرائیلی یرغمالیوں کی رہائی عمل میں آئے گی۔
غزہ میں عارضی جنگ بندی کے بعد فلسطینی خاندانوں کی واپسی جاری ہے۔ لوگ اپنے پیاروں کی تلاش اور ملبے سے زخمیوں اور لاشوں کو نکالنے کی کوششیں کر رہے ہیں۔
غیرملکی میڈیا کے مطابق غزہ سٹی اور شمالی غزہ پر روزانہ چھ گھنٹے صبح 10 بجے سے شام 4 بجے تک اسرائیلی طیارے پرواز نہیں کریں گے۔
واضح رہے کہ 7 اکتوبر سے جاری رہنے والی اسرائیلی جارحیت میں شہداء کی مجموعی تعداد 14 ہزار 854 ہو گئی ہے جس میں 6 ہزار 150 بچے اور 4 ہزار خواتین شامل ہیں۔
