گوگل نیوز پر ہمیں فالو کریںاسلام آباد: مسلم لیگ ن کے رہنماء طلال چوہدری لاہور سے اسلام آباد پہنچ گئے، نجی اسپتال کلثوم انٹرنیشنل میں داخل کر لیا گیا ۔
طلال چوہدری اپنا علاج اسلام آباد سے کرانا چاہتے تھے اس لئے لاہور سے اسلام آباد پہنچنے کے بعد نجی اسپتال میں داخل کیا گیا جبکہ اسلام آباد کے نجی اسپتال کی سیکورٹی سخت کردی گئی ہے ۔
اسپتال انتظامیہ کی جانب سے کسی کو بھی طلال چوہدری سے ملنے کی اجازت نہیں دی جارہی جبکہ میڈیا کو بھی طلال چوہدری سے ملنے سے روک دیا ہے۔
اس سے قبل لاہور میں بیان ریکارڈ کرنے کیلئے پولیس کے پہنچنے سے قبل طلال چوہدری کو اسپتال سے فارغ کردیا گیا تھا۔
پولیس ٹیم کے سربراہ اے ایس پی عبدالخالق نے بتایا کہ انہیں بل کی ادائیگی کے بارے میں معلوم نہیں ہے اور پولیس کو کوئی پرچی بھی نہیں دکھائی گئی ہے۔
اس سے پہلے فیصل آباد پولیس مسلم لیگ (ن) کے رہنماء طلال چوہدری کا بیان ریکارڈ نہیں کرسکی کیونکہ وہ پولیس کے پہنچنے سے پہلے ہی اسپتال سے چلے گئے تھے۔
یہ بھی پڑھیں طلال چوہدری کوبچانے کیلئے بیگم صفدراعوان نے ڈبلیوٹرن لیا، فیاض چوہان
