ٹی ٹوئنٹی ورلڈ کپ کوالیفائینگ راؤنڈ: نمیبیا کے ہاتھوں شکست کے بعد نیدرلینڈز ایونٹ سے باہر

ابوظہبی: آئی سی سی ٹی 20 ورلڈ کپ کے 7ویں میچ میں نمیبیا کے ہاتھوں شکست کے بعد نیدرلینڈز کی ٹیم میگا ایونٹ سے باہر ہو گئی ہے۔ نمیبیا کرکٹ ٹیم نے ایونٹ میں یہ پہلی کامیابی حاصل کی ہے۔  

ابوظہبی میں کھیلے  گئے کوالیفائنگ راؤنڈ کے ساتویں میچ میں نمیبیا کے کپتان نے ٹاس جیت کر نیدرلینڈز کو بیٹنگ کی دعوت دی ،جس پر نیدرلینڈز نے مقررہ 20 اوورز میں 4 وکٹوں کے نقصان پر 164 رنز بنائے تھے اور نمیبیا کو جیت کےلیے 165 رنز کا ہدف دیا تھا۔

یہ بھی پڑھیں

 نیدرلینڈز کے اوپنرز میکس اوڈاوڈ اور اسٹیفن مائی براہ پر اعتماد آغاز کرتے ہوئے پہلی وکٹ کی شراکت میں 42 رنز بنائے، اس موقع پر اسٹیفن مائی 17 رنز بنا کر پویلین لوٹ گئے تاہم اس کے بعد رولف وین ڈر مرو بھی زیادہ وکٹ نہیں کھڑے رہ سکے۔

The moment history was made ????

Look what it means to the Namibia players ???? #NAMvNED #T20WorldCup https://t.co/JyQQcmtva7

— ICC (@ICC) October 20, 2021

کولن ایکرمین اور او ڈاوڈ نے تیسری وکٹ پر 82 رنز کی شراکت بنائی، ایکرمین 35 اور میکس او ڈاوڈ 70 رنز بناکر آؤٹ ہوئے۔ نمیبیا کی جانب سے جین فرائی لنک نے دو وکٹیں حاصل کیں۔

نمیبیا نے ڈیوڈ ویزے کے ناقابل شکست 66 رنز کی بدولت 165 رنز کا ہدف 4 وکٹوں کے نقصان پر 19 اوورز میں حاصل کرلیا۔

 نمیبیا کے ڈیوڈ ویزے  نے شاندار بیٹنگ کرتے ہوئے ناقابل شکست 66 رنز بنائے اور اپنی ٹیم کو آئی سی سی ٹی 20 ورلڈ کپ کے کوالیفائینگ راؤنڈ میں پہلی کامیابی دلوائی ۔ کپتان اراسمس نے 32 اور اسٹیفن بارڈ نے 19 رنز بنائے ۔

واضح رہے کہ نیدرلینڈز 2 میچز میں شکست کے بعد ورلڈ کپ کوالیفائینگ راؤنڈ سے باہر ہو گیا ہے۔  آئی سی سی ٹی 20 ورلڈ کپ کے 7ویں ایڈیشن کا پہلا مرحلہ متحدہ عرب امارت اور عمان میں جاری ہے۔