ریاستی ادارے مظلوم عوام کیساتھ ہوتے ہیں ظالموں کیساتھ نہیں، شیخ رشید

راولپنڈی: عوامی مسلم لیگ کے سربراہ شیخ رشید نے کہا ہے کہ ریاستی ادارے مظلوم عوام کےساتھ ہوتے ہیں ظالموں کے ساتھ نہیں۔

سماجی رابطے کی ویب سائٹ ٹوئٹر پر اپنے بیان میں شیخ رشید نے کہا کہ حکومت نے ملک کا سیاسی اور معاشی دیوالیہ نکال دیا ہے۔ راولپنڈی میں ہونے والی میٹنگ پاکستان کے لیے خوش آئند ثابت ہوگی۔

راولپنڈی میں ہونےوالی میٹنگ پاکستان کےلیے خوش آئند ثابت ہوگی۔حکومت نےملک کاسیاسی اورمعاشی دیوالیہ نکال دیاہے۔ہمیں اسمبلی اس لیےلاناچاہتےہیں کہ نوازشریف کی تاحیات نااہلی پرڈیل ہوسکے۔10روزمیں فائنل راونڈ ہوگا۔اکتوبرنومبر فیصلہ کن ہوگا۔لانگ مارچ یاالیکشن کی تاریخ،ایک کاہوناضروری ہے

— Sheikh Rashid Ahmed (@ShkhRasheed) October 19, 2022

ٹوئٹر پیغام میں سابق وزیر داخلہ نے کہا کہ ہمیں اسمبلی اس لیےلانا چاہتے ہیں کہ نوازشریف کی تاحیات نا اہلی پر ڈیل ہوسکے۔ دس روزمیں فائنل راونڈ ہوگا اکتوبراور نومبر فیصلہ کن ہوگا۔

یہ بھی پڑھیں:

ڈالر کی قدر میں صرف چند پیسوں کا اضافہ ہوا، زیادہ فکر کی بات نہیں۔ اسحاق ڈار

اُن کا مزید کہنا تھا کہ لانگ مارچ یا الیکشن کی تاریخ کسی ایک کا ہونا ضروری ہے۔ ریاستی ادارے مظلوم عوام کے ساتھ ہوتے ہیں ظالموں کے ساتھ نہیں۔ اسمبلی کی عزت نہ ہو تو ٹرن آؤٹ کم ہوتا ہے۔

شیخ رشید نے مزید کہا کہ رانا ثنا اللہ حکومت کو لے ڈوبے گا۔ اسحاق ڈار کو دنیا اور آئی ایم ایف سے کچھ نہیں ملا۔ نہ ڈالر ہے نا تنخواہ دینے کے پیسے ہیں۔ بجلی کے بعد سردیوں میں گیس کا بحران سر پر آگیا۔