گوگل نیوز پر ہمیں فالو کریںراولپنڈی: پنجاب کی مشہور اڈیالہ جیل میں بدعنوانی کی نشاندہی پر سپرنٹنڈنٹ آف پولیس (ایس پی) کو او ایس ڈی بنا دیا گیا جبکہ 10 اہلکاروں کا تبادلہ بھی کردیا گیا ہے۔
تفصیلات کے مطابق یہ اقدام وزیرِ اعلیٰ عثمان بزدار کے تحت حکومتِ پنجاب کے احکامات پر اٹھایا گیا۔ ایڈیشنل چیف سیکریٹری نے سپرنٹنڈنٹ کو او ایس ڈی بنانے جبکہ آئی جی جیل پنجاب نے ملازمین کے تبادلوں کے نوٹیفیکشنز جاری کردئیے۔
انسپکٹر جنرل آف پولیس (آئی جی) کے نوٹیفیکیشن کے مطابق اسسٹنٹ سپرنٹنڈنٹ ذیشان سرور کو ایڈمن گراؤنڈ پر سنٹرل جیل گوجرانوالہ بھیج دیا گیا جبکہ چیف وارڈر محمد حسین کا تبادلہ ایڈمن گراؤنڈ پر اڈیالہ جیل سے گوجرانوالہ جیل کردیا گیا۔
اسی طرح ہیڈ وارڈر عامر فیاض اور ہیڈ وارڈر خالد پرویز سمیت 5 دیگر وارڈرز کا تبادلہ ایڈمن گراؤنڈ پر اڈیالہ جیل سے گوجرانوالہ جیل کیا گیا۔
یہ بھی پڑھیں: اختیارات کا ناجائز استعمال، میئراسلام آباد معطل
