گوگل نیوز پر ہمیں فالو کریںپاکستانی فلم انڈسٹری کے معروف اداکار حمزہ علی عباسی کے گھر آنے والے نئے مہمان کی تصاویر پر مداحوں کی طرف سے تعریفوں اور دعاؤں کا سلسلہ جاری ہے۔
تفصیلات کے مطابق سماجی رابطے اور فوٹو شیئرنگ کے بڑے پلیٹ فارم انسٹا گرام پر اداکار حمزہ علی عباسی کی تصاویر شیئر کی گئیں جن میں حمزہ عباسی کے بیٹے مصطفیٰ عباسی کو دیکھا جاسکتا ہے۔
مصطفیٰ عباسی کو چوسنی چوستے ہوئے اور سوتے ہوئے دو مختلف تصاویر میں دِکھایا گیا جبکہ ایک اور تصویر جو اِس سے قبل سوشل میڈیا پر وائرل ہوچکی ہے، میں حمزہ عباسی اور نیمل خاور موجود ہیں۔
سوشل میڈیا صارفین حمزہ علی عباسی کے بیٹے کی تصاویر پر مختلف انداز میں ردِ عمل دیتے ہوئے مصطفیٰ عباسی کو آنے والی زندگی کیلئے دعاؤں سے نواز رہے ہیں۔
https://www.instagram.com/p/CDf6qOylLi0/
یاد رہے کہ اِس سے قبل پاکستانی فلم انڈسٹری کے مشہور اداکار حمزہ علی عباسی اور فنکارہ نیمل خاور کے ہاں بیٹے کی پیدائش ہوئی جس پر دونوں بے حد خوش دِکھائی دئیے۔
سماجی رابطے کی ویب سائٹ ٹوئٹر پر 2 روز قبل اپنے پیغام میں اداکار حمزہ علی عباسی نے کہا کہ اللہ تعالیٰ نے مجھے اور نیمل خاور کو ایک ننھے منے بیٹے سے نوازا جس کا نام ہم محمد مصطفیٰ عباسی رکھیں گے۔
مزید پڑھیں: حمزہ عباسی اور نیمل کے ہاں بیٹے کی پیدائش، دونوں خوشی سے نہال ہو گئے
