گوگل نیوز پر ہمیں فالو کریںیوٹیلٹی اسٹورز بھی عوام وبال بن گئے، اشیائے ضروریہ کی قیمتیں عام مارکیٹ سے بھی زیادہ مہنگی ملنے لگیں۔
ذرائع کے مطابق صارفین پریشان ہوگئے غریب عوام کو ریلیف کے دعوے زبانی جمع خرچ تک محدود ہوگئے ہیں،سستی اشیا یوٹیلٹی اسٹوروں سے غائب ہیں۔
ذرائع کا کہنا ہے کہ لوگ سستے آٹے، گھی اور چینی کیلئے باربار چکر لگانے پر مجبور ہوگئے ہیں۔ یوٹیلٹی اسٹور پربھِی اشیائے ضروریہ کی قیمتیں عام مارکیٹوں کے برابر ہیں جبکہ گھی، آٹا، چینی اور دالوں سمیت دیگر سستی اشیاء اسٹوروں سے غائب ہوگئی ہیں۔
آٹا، ٹوٹا باسمتی چاول، دال چنا، چینی، سفید چنے عام مارکیٹ سے مہنگے فروخت کیے جارہے ہیں، یوٹیلیٹی اسٹورز پر سُپر باسمتی چاول اور سیلاچاول بھی عام مارکیٹ سے مہنگے ہیں۔
یوٹیلیٹی اسٹورز پر سیلا چاول 55 روپے 45 پیسے مہنگے فروخت ہورہے ہیں، عام مارکیٹ میں سیلا چاول 314روپے 55 پیسے اور یوٹیلیٹی اسٹورز پر 370 روپے کلو مل رہے ہیں۔
اس کے علاوہ آٹے کا دس کلو والا تھیلا عام مارکیٹ میں 1400،یوٹیلٹی اسٹور پر1420روپے کے ریٹ میں مل رہا ہے سرخ مرچ عام مارکیٹ سے 180 روپے فی کلو مہنگی ہوگئی۔
کوکنگ آئل دس روپے،دال مسور 25 اور دال چنا 28 روپے فی کلو مہنگی ہے، 140روپے فی کلو والی چینی یوٹیلیٹی سٹور پر160روپے میں فروخت کی جا رہی ہے۔
