گوگل نیوز پر ہمیں فالو کریںمعروف اداکار فیروز خان کی سابق اہلیہ علیزہ سلطان خان نے ایک سوال و جواب کے سیشن میں اپنی سنگل مدر کی حیثیت سے زندگی کے چیلنجز پر روشنی ڈالی۔
انسٹاگرام پر ایک مداح نے علیزہ سے پوچھا کہ کیا بطور سنگل مدر بچوں کی پرورش مشکل ہے؟علیزہ نے اعتراف کیا کہ سنگل پیرنٹنگ ہمیشہ مشکل ہوتی ہے، لیکن یہ اس وقت زیادہ مشکل ہو جاتی ہے جب کوئی ذمہ دار شریک نہ ہو۔
انہوں نے مزید کہا، ہر گزرتے دن کے ساتھ نئے مسائل آتے ہیں، جو چیزیں مزید مشکل بنا دیتے ہیں۔علیزہ نے یہ بھی ذکر کیا کہ وہ ان تمام مشکلات کے باوجود خود کو مضبوط رکھنے کی کوشش کرتی ہیں اور اکثر بچوں کی بہتری کے لیے مشکل فیصلے لیتی ہیں۔
انہوں نے کہا، “کبھی کبھی بچوں کی بھلائی کے لیے اپنے جذبات کو قربان کرنا پڑتا ہے، اور کبھی اپنی خواہشات کو ترجیح دینا پڑتی ہے۔”علیزہ نے ان ماؤں کی بھی تعریف کی جو اپنے شوہروں کے کام پر ہونے کی وجہ سے اکیلے بچوں کی دیکھ بھال کرتی ہیں، اور ان کے حوصلے کو سراہا۔
علیزہ نے اس سے پہلے ایک پوسٹ میں اشارہ دیا تھا کہ بیمار بچوں کی دیکھ بھال کی ذمہ داری اکثر ان پر آ جاتی ہے۔
فیروز خان اور علیزہ سلطان، جن کے دو بچے سلطان اور فاطمہ ہیں، طلاق کے بعد بچوں کی مشترکہ پرورش کے فیصلے پر پہنچے تھے۔
سلیپنگ بیوٹی: سوئی ہوئی جھانوی کپور کی تصاویر وائرل، سوشل میڈیا پر طوفان
حال ہی میں بچوں کو دونوں خاندانوں کے ساتھ وقت گزارتے ہوئے دیکھا گیا۔ سلطان اور فاطمہ اپنے والد کے گھر بھی جاتے ہیں، جہاں وہ فیروز خان کی دوسری بیوی کے ساتھ بھی وقت گزارتے ہیں۔یہاں تک کہ دونوں بچے فیروز خان کی دوسری شادی کی تقریب میں بھی موجود تھے۔
