گوگل نیوز پر ہمیں فالو کریںکراچی: سوئی سدرن گیس کمپنی (ایس ایس جی سی) نے سندھ میں گیس لوڈشیڈنگ کا اعلان کر دیا۔
ایس ایس جی سی اعلامیے کے مطابق سندھ بھر میں گھریلو صارفین کو صبح 6 تا 9، دوپہر 12 تا 2 اور شام 6 تا رات 9 گیس ملے گی۔
اس حوالے سے صارفین کا کہنا ہے کہ یہ سوئی سدرن کی تاریخ میں سب سے شدید لوڈشیڈنگ ہے۔
ترجمان سوئی سدرن گیس کمپنی کا کہنا ہے ایسا نہیں کہ دیگر اوقات میں گیس بالکل نہ ملے، حکومتی پالیسی کے تحت 8 گھنٹے گیس موجودگی یقینی بنائی جائے گی۔
قبل ازیں 11 نومبر کو قومی اسمبلی کی قائمہ کمیٹی پیٹرولیم کا اجلاس عامر طلال گوپانگ کی زیر صدارت ہوا تھا جس میں کمیٹی کو ملک میں گیس کی صورت حال پر بریفنگ دی گئی تھی۔
سیکریٹری پیٹرولیم نے بتایا تھا اس دفعہ موسم سرما بہت مشکل ہوگا، ہم صاف صاف بتارہے ہیں کہ گیس اس بار کسی کو نہیں ملنی، صرف 3 گھنٹے صبح، 2 گھنٹے دوپہراور3 گھنٹے شام کو گیس ملے گی، یعنی 16 گھنٹے گھریلو صارفین کو گیس دستیاب نہیں ہوگی۔
