سندھ کو فوری طور پر آفت زدہ علاقہ قرار دیا جائے، علی زیدی کا مطالبہ

کراچی: صدر تحریک انصاف سندھ علی زیدی نے کہا ہے کہ سندھ کو فوری طور پر آفت زدہ علاقہ قرار دیا جائے۔

سماجی رابطے کی ویب سائٹ ٹوئٹر پراپنے پیغام میں صدر تحریک انصاف سندھ علی زیدی نے کہا کہ مسلسل 3 روز سے جاری بارش نے سندھ میں تباہی مچا دی ہے اورصوبائی حکومت کا نام و نشان نہیں۔

مسلسل 3 روز سے جاری بارش نے سندھ میں تباہی مچا دی ہے اورصوبائی حکومت کا نام و نشان نہیں۔

PDMA کہاں ہے؟

سندھ کو فوری طور پر آفت زدہ علاقہ قرار دیا جائے۔
ریسکیو اور ریلیف آپریشنز کے لیے فوج کو متحرک کرنا ہوگا۔

سندھ کے عوام کو صوبائی حکومت سے کوئی امیُد نہیں ہیں۔

— Ali Haider Zaidi (@AliHZaidiPTI) August 19, 2022

انہوں نے کہا کہ سندھ کو فوری طور پر آفت زدہ علاقہ قرار دیا جائے، میں پنجاب اور کے پی کے کے سی ایمز سے اپیل کرتا ہوں کہ وہ اپنے پی ڈی ایم کو سندھ اور بلوچستان میں تعینات کریں۔

یہ بھی پڑھیں:

لاہور، پولیس نے مسلم لیگ ن کے اہم رہنماؤں کی گرفتاری کا فیصلہ کرلیا

علی زیدی نے کہا ہے کہ سندھ کے عوام کو صوبائی حکومت سے کوئی اُمید نہیں ہیں اس لیے ریسکیو اور ریلیف آپریشنز کے لیے فوج کو متحرک کرنا ہوگا۔

دوسری جانب محکمہ موسمیات کا کہنا ہے کہ کراچی میں تیز بارش کا امکان ختم ہوگیا ہے جبکہ آج تا آئندہ چند روز ہلکی بارش یا بوندا باندی کا امکان ہے۔

محکمہ موسمیات نے بتایا کہ شہر میں اس وقت سمندری ہوائیں بحال ہیں جبکہ 18 کلو میٹر فی گھنٹہ کی رفتار سے جنوب مغربی ہوا چل رہی ہے۔

محکمہ موسمیات کا کہنا ہے کہ شہر میں 24 اگست سے ایک بار پھر بارشوں کا امکان ہے، بارشوں کی شدت کے حوالے سے کچھ بھی کہنا قبل از وقت ہے۔

محکمہ موسمیات کا مزید کہنا ہے کہ آج سے سندھ کے بالائی و وسطی اور بلوچستان کے شمالی و جنوبی اضلاع میں بارشوں کا امکان ہے البتہ یہ بارشیں 20 تا 21 اگست تک جاری رہینگی۔