گوگل نیوز پر ہمیں فالو کریںکراچی: حکومت سندھ کی جانب سے سمندری طوفان گلاب اورحالیہ مون سون کی بارشوں سے نمٹنے کیلئے الرٹ جاری کردیا گیا۔
وزیراعلیٰ سندھ کی ہدایات پر صوبائی وزراء، مشیر اور معاون خصوصی کو تیز بارشوں کے پیش نظر مختلف اضلاع میں اپنی زمہ داریاں ادا کرنے کے احکامات بھی جاری کردیئے گئے۔
صوبائی وزیر آبپاشی جام خان شورو کی ہدایات پر ضلعی انتظامیہ حیدرآباد کوالرٹ کردیاگیا جبکہ ممکنہ صورتحال سے نمٹنے کیلئے تیاریاں تیز کردی گئیں۔
صوبائی وزیر برائے محکمہ آبپاشی جام خان شورو ضلع حیدرآباد میں رین ایمرجنسی کی سرگرمیوں کی نگرانی کریں گے ۔
صوبائی وزیر جام خان شورو نے ضلع حیدرآباد کے تمام متعلقہ اداروں کو رین ایمرجنسی کے دوران کسی بھی صورتحال سے نمٹنے کیلئے تیار رہنے کا حکم دیدیا جبکہ صوبائی وزیر جام خان شورو نے ضلعی انتظامیہ کو رین ایمرجنسی کے دوران فیلڈ میں رہنے کی بھی ہدایت جاری کردی۔
مزید پڑھیں:سمندری طوفان کی آمد،کراچی سمیت ساحلی علاقوں میں تیز بارش کی پیشگوئی
