گوگل نیوز پر ہمیں فالو کریںاسلام آباد: پارلیمنٹ ہاؤس اسلام آباد کے باہر ن لیگی رہنماؤں کی پریس کانفرنس کے دوران سابق وزیرِ داخلہ اور سینئر ن لیگی رہنما احسن اقبال پر جوتا پھینکا گیا ہے۔
تفصیلات کے مطابق ن لیگی رہنماؤں شاہد خاقان عباسی، مریم اورنگزیب، احسن اقبال اور مصدق ملک سمیت دیگر پریس کانفرنس کیلئے پارلیمنٹ ہاؤس کے باہر جمع ہوئے تھے جہاں پی ٹی آئی کارکنان نے ن لیگی رہنماؤں سے ہاتھا پائی کی۔
سابق وزیرِ اعظم شاہد خاقان عباسی نے پی ٹی آئی کارکن کو تھپڑ مارا جس کے جواب میں دوسری جانب سے بھی ہاتھا پائی اور مارپیٹ ہوئی۔ بعد ازاں ن لیگ کے سینئر رہنما احسن اقبال اپنے کارکنان کا خیر مقدم کرنے کیلئے ہاتھ لہرانے لگے۔
اسی دوران کسی شخص نے سیاسی رہنما احسن اقبال پر جوتا پھینک دیا۔ تاحال جوتا پھینکنے والے شخص کے بارے میں تفصیلات معلوم نہیں ہوسکیں۔ اس حوالے سے احسن اقبال سمیت کسی ن لیگی رہنما نے تاحال کوئی بیان جاری نہیں کیا۔
یہ بھی پڑھیں: وزیرِ اعظم قومی اسمبلی پہنچ گئے، پی ٹی آئی اراکین کی نعرے بازی
