گوگل نیوز پر ہمیں فالو کریںقومی کرکٹ ٹیم کے سابق فاسٹ بالر شعیب اختر نے ٹی وی میزبان کی معذرت قبول کرتے ہوئے ڈاکٹر نعمان نیاز کو معاف کردیا، راولپنڈی ایکسپریس کا کہنا ہے کہ میں نے قوم اور اداروں کی عزت کیلئے معاف کیا۔
تفصیلات کے مطابق نجی ٹی وی پروگرام جشنِ کرکٹ میں گفتگو کرتے ہوئے شعیب اختر نے کہا کہ میں نے سرکاری ٹی وی چینل پر تذلیل کے بعد قوم اور اداروں کی عزت کو ملحوظِ خاطر رکھتے ہوئے ٹی وی میزبان کو معاف کیا ہے۔
ویسٹ انڈیز کو سری لنکا سے شکست ، سیمی فائنل کی دوڑ ختم
ویسٹ انڈیز کرکٹ ٹیم دسمبر میں پاکستان کا دورہ کرے گی
سماجی رابطے کی ویب سائٹ ٹوئٹر پر اپنے پیغام میں کرکٹ اسٹار شعیب اختر نے کہا کہ میں ایک بار پھر واضح کرنا چاہتا ہوں کہ اس روز ٹی وی پر کیا ہوا تھا۔ انہوں نے اپنا مختصر ویڈیو کلپ شیئر کیا جس میں انہیں واقعے پر گفتگو کرتے دیکھا جاسکتا ہے۔
Once & for all, clarifying what happened that day on PTV. pic.twitter.com/ultpoIyWIq
— Shoaib Akhtar (@shoaib100mph) November 4, 2021
سرکاری ٹی وی چینل پر ٹی وی میزبان ڈاکٹر نعمان نیاز نے غیر ملکی کرکٹ اسٹارز کی موجودگی میں شعیب اختر سے تلخ کلامی کی اور براہِ راست (لائیو) پروگرام سے اٹھ کر چلے جانے کا کہہ دیا جس کے بعد شعیب اختر نے انہیں معذرت کا موقع دیا۔
بریک پر جانے کے بعد شعیب اختر نے تھوڑی دیر تک گفتگو جاری رکھی تاکہ ڈاکٹر نعمان نیاز کو معذرت کا موقع مل جائے، تاہم ٹی وی میزبان نے شعیب اختر سے معافی نہیں مانگی جس پر راولپنڈی ایکسپریس نے لائیو پروگرام کے دوران استعفیٰ دے دیا۔
شعیب اختر نے واضح کرتے ہوئے کہا کہ میں پی ٹی وی سے مستعفی اس لیے ہوا تاکہ آئندہ کسی اور کرکٹ اسٹار کو ایسی بات نہ سننی پڑے۔ قومی ستاروں کے ساتھ اس طرح بات کرنا مناسب نہیں ہے، تاہم میں اپنے دل میں کسی کیلئے نفرت نہیں رکھتا۔
انہوں نے کہا کہ میں نے واقعے کے بعد 1 گھنٹے تک انتظار کیا تاکہ کوئی معذرت کرنا چاہے تو کر لے اور بات ختم ہوجائے لیکن ایسا نہیں کیاگیا۔ ڈاکٹر نعمان نیاز کا کہنا ہے کہ لائیو پروگرام میں جو کچھ ہوا اور جو ردِ عمل سامنے آیا وہ بالکل درست سمجھتا ہوں۔
ڈاکٹر نعمان نیاز نے کہا کہ میری شعیب اختر سے تلخ کلامی کی وجہ کچھ بھی ہو، مجھے براہِ راست پروگرام کے دوران یہ کہنے کا حق نہیں پہنچتا، اپنی غلطی پر ایک بار نہیں، ہزار بار معذرت کرتا ہوں۔ شعیب اختر نے نعمان نیاز کو معاف کردیا۔
