گوگل نیوز پر ہمیں فالو کریںاسلام آباد: وزیرِ اطلاعات شبلی فراز نے کہا ہے کہ سعود ساحر صحافت کا تابندہ ستارہ اور منفرد اسلوب کے قلمکار تھے۔
سماجی رابطے کی ویب سائٹ ٹوئٹر پر اپنے پیغام میں وزیرِ اطلاعات شبلی فراز نے کہا کہ نامور صحافی سعود ساحر کے انتقال پر مجھے گہرا دُکھ اور افسوس ہے۔
پیغام میں وزیرِ اطلاعات شبلی فراز نے کہا کہ سعود ساحر صحافت کا ایک تابندہ ستارہ اور منفرد اسلوب رکھنے والے قلمکار اور صحافیوں کے حقوق کے سرگرم رہنما تھے۔
وزیرِ اطلاعات شبلی فراز نے کہا کہ سعود ساحر کے انتقال سے پیدا ہونے والا خلاء پُر نہیں ہوسکے گا،انہوں نے دُعا کی کہ اللہ تعالیٰ سعود ساحر کو جوارِ رحمت میں جگہ عطا فرمائے۔
نامور صحافی سعود ساحر کے انتقال پر گہرا دکھ اورافسوس ہے۔وہ صحافت کا ایک تابندہ ستارہ اور منفرد اسلوب کے قلم کار تھے۔وہ صحافیوں کے حقوق کے بھی ایک سرگرم رہنما تھے۔ان کے انتقال سے پیدا ہونے والا خلاء پر نہیں ہو سکے گا۔اللہ تعالیٰ انکو جوار رحمت میں جگہ عطا فرمائے۔ آمین
— Senator Shibli Faraz (@shiblifaraz) November 3, 2020
یاد رہے کہ اِس سے قبل پاکستان کے نامور صحافی، شاعر اور دانشور سعود ساحر کا طویل علالت کے باعث اسلام آباد میں انتقال ہو گیا۔
وفاقی دارالحکومت اسلام آباد میں عرصے سے زیرِ علاج نامور صحافی سعود ساحر کو آج ظہر کے بعد شہرِ اقتدار کی جامع مسجد نور میں نمازِ جنازہ کے بعد سپردِ خاک کیا جائے گا۔
مزید پڑھیں: نامور صحافی اور شاعر سعود ساحر اسلام آباد میں انتقال کر گئے
