گوگل نیوز پر ہمیں فالو کریںاسلام آباد: وفاقی وزیرِ موسمیاتی تبدیلی شیری رحمان نے ملکی معیشت کی بربادی کا ملبہ پی ٹی آئی پر ڈالتے ہوئے کہا ہے کہ موجودہ حالات کا ذمہ دار کوئی اور نہیں بلکہ عمران خان ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شیری رحمان نے کہا کہ عمران خان نے اپنے ہی خلاف چارج شیٹ پیش کردی ہے۔ ساڑھے 3سال ملک کو تباہ کرنے کے بعد کہتے ہیں کہ میرے پاس حکومت کا اختیار نہیں تھا۔
انتخابات کی تاریخ کا اعلان متوقع، الیکشن کمیشن کا اہم اجلاس آج ہوگا
ٹوئٹر پیغام میں شیری رحمان نے کہا کہ اگر عمران خان کی حکومت کے فیصلے کوئی اور کرتا تھا تو ساڑھے 3سال وزیر اعظم کی کرسی پر کیوں براجمان رہے؟ اگر بے اختیار وزیراعظم بنے ہوئے تھے تو اقتدار کو چھوڑا کیوں نہیں؟
پیغام میں شیری رحمان نے کہا کہ اگر سابق آرمی چیف سپر کنگ تھے تو جنرل قمر جاوید باجوہ کو تاحیات آرمی چیف رہنے کی پیشکش کیوں کی؟ مخالفین کو جیلوں میں ڈال کر احتساب کا کریڈٹ آپ لیتے رہے، اب آپ سابق آرمی چیف پر الزام لگا رہے ہیں۔
اگر سابق آرمی چیف سوپر کنگ تھے تو ان کو تاحیات آرمی چیف رہنے کی پیشکش کیوں کی؟ مخالفین کو جیلوں میں ڈال کر آپ احتساب کا کریڈٹ لیتے رہے، ابھی آپ کہتے ہیں احتساب کے ادارے بھی سابق آرمی چیف کے کنٹرول میں تھے۔ کیا آپ بھول گئے ہیں آپ جلسوں میں مخالفین کی گرفتاری کا اعلان کرتے تھے؟ 2/3
— SenatorSherryRehman (@sherryrehman) February 13, 2023
وفاقی وزیر شیری رحمان نے کہا کہ آپ کہتے ہیں کہ احتساب کے ادارے بھی سابق آرمی چیف جنرل قمر جاوید باجوہ کے کنٹرول میں تھے۔ کیا آپ بھول گئے ہیں کہ آپ جلسوں میں مخالفین کی گرفتاری کا اعلان کیا کرتے تھے؟
وزیرِ موسمیاتی تبدیلی شیری رحمان نے کہا کہ عمران خان اپنی بے اختیاری کا نہیں بلکہ دراصل اپنی نااہلی کا رونا رو رہے ہیں۔ آپ اتنے نااہل ہیں کہ اب خود تسلیم کر رہے ہیں کہ میں کٹھ پتلی اور سیلیکٹیڈ وزیر اعظم تھا۔
اب آپ دراصل اپنی "بے اختیاری" کا نہیں نااہلی کا رونا رو رہے ہیں۔ آپ اتنے نااہل ہیں کہ اب خود تسلیم کر رہے میں کٹ پتلی اور سلیکٹڈ وزیراعظم تھا۔ موجودہ حالات کا ذمہ دار کوئی اور نہیں آپ خود ہیں۔ آپ کی فسطائی اور بدترین حکومت آئینی طریقہ کار سے ہٹائی گئی کسی سازش کے ذریعے نہیں۔ 3/3
— SenatorSherryRehman (@sherryrehman) February 13, 2023
مہنگائی مارچ سے برسرِ اقتدار آنے والی اتحادی حکومت کی وزیر شیری رحمان کا کہنا تھا کہ موجودہ حالات کا ذمہ دار کوئی اور نہیں بلکہ عمران خان خود ہیں۔ ان کی فسطائی اور بد ترین حکومت کسی سازش کے ذریعے نہیں بلکہ آئینی طریقہ کار سے ہٹائی گئی۔
