شیری رحمان نے مہنگائی پر کابینہ اراکین کے بیانات کو مضحکہ خیز قرار دیدیا

اسلام آباد: پاکستان پیپلز پارٹی کی سینیٹر شیری رحمان نے مہنگائی پر وفاقی کابینہ اراکین کے بیانات کو مضحکہ خیز قرار دیتے ہوئے کہا ہے کہ پاکستان دنیا کا تیسرا مہنگا ترین ملک ہے۔

سماجی رابطے کی ویب سائٹ ٹوئٹر پر اپنے پیغام میں سینیٹر شیری رحمان نے کہا کہ دی اکانومسٹ کے مطابق پاکستان شرحِ مہنگائی کے لحاظ سے دنیا میں تیسرے نمبر پر ہے۔ عوام پوچھتے ہیں کیا اب بھی پاکستان خطے میں سستا ترین ملک ہے؟

یہ بھی پڑھیں:

وزیرِ خزانہ بھی کورونا میں مبتلا، ای سی سی اجلاس ملتوی

ٹوئٹر پیغام میں پیپلز پارٹی کی سینیٹر شیری رحمان نے کہا کہ پوری دنیا کہہ رہی ہے کہ پاکستان میں مہنگائی بڑھ رہی ہے، لیکن وفاقی حکومت تسلیم کرنے کو تیار ہی نہیں۔ آئے روز وفاقی کابینہ کے اراکین مہنگائی کے متعلق مضحکہ خیز بیانات دیتے ہیں۔

آئے روز کابینہ ارکان کے مہنگائی متعلق مضحکہ خیز بیانات سامنے آتے ہیں۔ ابھی منی بجٹ کے تباہ کن اثرات آنا باقی ہیں۔ یہی وجہ ہے پیپلز پارٹی مہنگائی اور نااہل حکومت کے خلاف 27 فروری کو لانگ مارچ کرنے جا رہی۔ عوام میں مزید مہنگائی اور نااہل حکومت کو برداشت کرنے کی طاقت نہیں رہی۔ 2/2

— SenatorSherryRehman (@sherryrehman) January 20, 2022

 سینیٹر شیری رحمان نے کہا کہ ابھی منی بجٹ کے تباہ کن اثرات آنا باقی ہیں۔ یہی وجہ ہے کہ پیپلز پارٹی مہنگائی اور نااہل حکومت کے خلاف 27 فروری کو لانگ مارچ کرنے جارہی ہے۔ عوام میں مہنگائی اور نااہل حکومت کو برداشت کرنیکی طاقت نہیں رہی۔ 

خیال رہے کہ اس سے قبل صدرِ مملکت ڈاکٹر عارف علوی نے ضمنی فنانس بل پر دستخط کردئیے، منی بجٹ کی منظوری کے ساتھ ہی مہنگائی کا نیا طوفان سامنے آگیا۔ حکومت نے پیٹرولیم مصنوعات کی قیمتوں میں 4 روز قبل اضافہ کیا۔

 صدرِ مملکت ڈاکٹر عارف علوی نے 5 روز قبل  ضمنی مالیاتی بل 2021 پر دستخط کیے جسے عرفِ عام میں منی بجٹ کہا جاتا ہے۔اربوں ڈالر قرض حاصل کرنے کیلئے آئی ایم ایف کی اہم شرائط میں سے ایک پوری کر لی گئی۔