گوگل نیوز پر ہمیں فالو کریںاسلام آباد: وفاقی وزیر برائے انسدادِ منشیات و سیفرون شہریار خان آفریدی 24 روز تک کورونا وائرس میں مبتلا ہونے کے بعد اسے شکست دینے میں کامیاب ہو گئے ہیں جس پر انہوں نے اللہ کا شکر ادا کیا۔
سماجی رابطے کی ویب سائٹ ٹوئٹر پر اپنے پیغام میں وزیرِ انسدادِ منشیات و سیفرون شہریار خان آفریدی نے کہا کہ 24 دن کی شدید بیماری کے بعد اللہ تعالیٰ کے خصوصی کرم اور اپنے چاہنے والوں کی دُعاؤں کے طفیل صحتیاب ہوگیا ہوں۔
پیغام میں وفاقی وزیر شہر یار آفریدی نے کہا کہ میرا ایمان ہے کہ بندۂ مومن کو ہر تکلیف اس کے رب سے قریب کرتی ہے۔ میں دل کی اتھاہ گہرائیوں سے آپ کی دُعاؤں پر شکر گزار ہوں۔ اللہ ہم سب کو اِس وباء سے محفوظ رکھے۔
24 دن کی شدید بیماری کے بعد اللہ پاک کے خصوصی کرم اور اپنے چاہنے والوں کی دعاؤں کے طفیل صحت یاب ہو گیا ہوں۔ میرا ایمان ہے کہ بندہ مومن کو ہر تکلیف اس کے رب سے قریب کرتی ہے۔ میں دل کی اتھاہ گہرائی سے آپ احباب کی دعاوں کا شکر گزار ہوں. اللہ ہم سب کو اس وبا سے محفوظ رکھے۔ آمین
— Shehryar Afridi (@ShehryarAfridi1) June 19, 2020
یاد رہے کہ اس سے قبل وفاقی وزیرسیفران و نارکوٹکس کنٹرول شہریار خان آفریدی کا کورونا وائرس کا ٹیسٹ مثبت آنے کے بعد وفاقی وزیر نے خود کو قرنطینہ کرلیا۔
ہفتے کے روز30 مئی کو ٹویٹر پر اپنے پیغام میں شہریار خان آفریدی کا کہنا تھا کہ میرا کورونا کا ٹیسٹ مثبت آیا ہے اور ڈاکٹروں کے مشورے کے مطابق گھر میں خود کو الگ تھلگ کردیا ہے۔
مزید پڑھیں: وفاقی وزیر شہریار آفریدی بھی کورونا وائرس کا شکار
