گوگل نیوز پر ہمیں فالو کریںلاہور: سابق وزیر اعظم شہباز شریف نے کہا ہے کہ عالمی برادری اسرائیل کے ظلم وبربریت اور مقبوضہ فلسطین میں جاری قتلِ عام کو بند کروائے۔
سماجی رابطے کی ویب سائٹ ٹوئٹر پر اپنے پیغام میں ن لیگ کے صدر شہباز شریف نے کہا کہ ہم فلسطینیوں کے خلاف اسرائیل کے ظلم و بربریت کی سختی سے مذمت کرتے ہیں۔شہری آبادی، بچوں اور ہسپتالوں پر بمباری فوری بند کی جائے۔
We strongly condemn Israel's brutality against Palestinians. Bombing of civilians, kids & hospitals must stop immediately. The world must take action to implement UN resolutions & stop this ongoing genocide. We appeal to the OIC nations to provide food and medicines to…
— Shehbaz Sharif (@CMShehbaz) October 15, 2023
ٹوئٹر پیغام میں سابق وزیر اعظم شہباز شریف نے کہا کہ عالمی برادری کو اقوامِ متحدہ کی قراردادوں پر عملدرآمد کیلئے ایکشن لینا ہوگا تاکہ فلسطین میں جاری قتلِ عام روکا جاسکے۔ ہم اسلامی تعاون تنظیم کے رکن ممالک سے فلسطینیوں کی فوری امداد کا مطالبہ کرتے ہیں۔
نواز شریف کی وطن واپسی عدلیہ کیلئے امتحان قرار، تحریکِ انصاف کی کڑی تنقید
سابق وزیر اعظم شہباز شریف نے کہا کہ ہمارا مطالبہ ہے کہ او آئی سی ممالک مظلوم فلسطینیوں کو فوری کھانا اور ادویات مہیا کریں۔ ہم سب بیت المقدس کو دارالخلافہ بناتے ہوئے آزاد فلسطینی ریاست کے قیام کی حمایت کرتے ہیں۔
خیال رہے کہ اس سے قبل مقبوضہ فلسطین میں ہفتے کے روز سے جاری حماس اسرائیل جنگ کے دوران لاکھوں فلسطینی عوام بے گھر، ہزاروں شہید جبکہ ہزاروں زخمی ہوچکے ہیں۔ شہدا اور زخمیوں میں بڑی تعداد میں معصوم بچے اور خواتین شامل ہیں۔
